“Бухгалтерия ҳисоби” кафедраси

1-мисол 
Компания 2011 йил 1 апрелда қиймати 342000 ш.б. бўлган ускунани 
сотиб олди. Фойдали муддати 9 йил. Қолиқ қиймати йўқ. Бу ускунага компания 
тўғри чизиқли амортизация усулини қўллайди. Ҳар уч йилда ускунанинг айрим 
агрегатлари алмаштирилади. Бу агрегатлар қиймати 126000 ш.б.ни ташкил 
қилади.
Сотиб олгандан сўнг компания амортизация ҳисоблашда иккита алоҳида 
фойдали муддати турли бўлган компонентни ҳисобга олади: “А” компонент 
фойдали муддати 9 йил, қиймати 216000 ш.б. (342000-126000), “В” компонент 
фойдали муддати 3 йил, қиймати 126000 ш.б. 1 апрел 2014 йилгача 3 йил 
давомида компания ҳар ойда 5500 ш.б. (216000/9х1/12)+(126000/3х1/12) 
амортизация ҳисоблайди. 
2014 йил 1 апрелда агрегат 133200 ш.б. га алмаштирилди. Фойдали 
муддати ўзгармади. 
2014 йил 1 апрелда компания “В” агрегатни тўла амортизация қилгани 
учун, 0 қийматда ҳисобдан чиқаради ва ўрнига қиймати 133200 ш.б. бўлган 
янги “В” агрегатни асосий воситалари таркибига киритади. Ускунанинг янги 
баланс қиймати шу санага 277200 ш.б.ни ташкил қилади (342000-
5500х12х3+133200), шу жумладан, “А” компонент қиймати 144000 (277200-
133200) ш.б. га тенг. Келгуси 3 йил давомида (фойдали муддати ўзгармаса) 
ҳисобланадиган амортизация суммаси 5700 ш.б.ни ташкил қилади 
(144000/6х1/12+133200/3х1/12). 
Асосий воситалар объектининг айрим қисмларини алмаштирилиши ёки 
алмаштирилмаслигидан қатъий назар, нуқсонлар пайдо бўлганлигини аниқлаш 
учун мунтазам равишда катта кўламдаги техник кўрикларини ўтказиш шу 
объектдан (масалан самолётдан) фойдаланишни давом етишнинг шартларидан 
бири бўлиши мумкин. Ҳар бир катта кўламдаги техник кўрик ўтказилганда, у 
бўйича харажатлар тан олиш мезонлари бажарилганда асосий воситалар 
объектининг баланс қийматида қисман алмаштириш сифатида тан олинади. Ҳар 
қандай олдинги техник кўрик бўйича харажатларнинг активнинг баланс 
қийматидаги қолдиғи (ехтиёт қисмлардан ташқари) ҳисобдан чиқарилади. 
Бундай ҳисобдан чиқариш олдинги текширув харажатлари объект сотиб 
олиниши ёки қурилиши пайтидаги операцияда тан олинганлиги ёки 
олинмаганлигидан қатъий назар амалга оширилади. Зарур бўлганда, объект 
сотиб олиниши ёки қурилиши пайтидаги баланс қийматига қўшилган техник 
кўрик харажатларини аниқлашда шу каби келгуси текширув харажатларнинг 
баҳоланган суммасидан фойдаланиш мумкин.