Фойдали модель тавсифи Фойдали модель номи: Пахта сепаратори Фойдали модель қўлланиши мумкун бўлган соха

Фойдали модель тавсифи
Фойдали модель номи: Пахта сепаратори
Фойдали модель қўлланиши мумкун бўлган соха: Ушбу таклиф этилаётган пахта сепаратори пахта тозалаш корхоналарида қўлланилади.
Ўхшаш мосламалар: Таклиф этилаётган қурилмага ўхшаш қурилма сифатида, пахта тозалаш корхоналарини технологик жараёнига ўрнатилган, пахта хом-ашёсини ташиш вақтида уни хаво оқимидан ажратиб олишга мўлжалланган СС-15 маркали сепаратор қурилмаси олинди [1]. Бу қурилма кириш қувури, тўрли юза, сидиргич, вакуум клапани ва сўрувчи қисқа қувурдан иборат. Бу қурилма ишлаганда вентилятор ёрдамида хавони сўрилиши туфайли кириш қувуридан пахта хом-ашёси ажралиш камерасига кириб келади ва ўз инерцияси таъсирида пахта вакуум клапанига келиб тушади. Пахтанинг тўрли юзага яқин бўлган жойда харакатланаётган қисми тўрли юзага ёпишади ва тўрли юзага ёпишган пахталарни сидиргич ёрдамида ажратиб олиб, пастга вакуум клапани устига тушириб юборилади. Хаво оқими тўрли юзадан ўтиб, сўрувчи қисқа қувур орқали тўғри вентилятор томон харакатланади. Вакуум клапани ишчи камера ичига ташқи мухитдан хаво кириб кетишига йўл қўймайди ва у ўз ўқи атрофида айланма харакат қилиши натижасида, унинг устки қисмига тушган пахта бўлакчалари аста-секинлик билан у билан бирга харакатланиб ишчи камерадан чиқариб юборилади ва навбатдаги технологик жараёнга етказилади.
Ушбу қурилманинг асосий камчилиги ишчи камерада жойлашган вакуум-клапан чигитларга механик шикаст етказишидир.
Иккинчи ўхшаш мослама [2] кириш ва чиқиш қувурларидан, ишчи камерадан, тўрли юза, сидирғич ва вакуум-клапандан ташкил топган. Бу сепараторда пахта ишчи камерасининг ёе томонларида жойлашган тўрли юзадан ажратиб олишда қия сидирғичдан фойдаланилган.
Натижада тўрли юзада ёпишган пахта қия сидирғич ёрдамида ажратиб олишда, сидирғич вали атрофида пахтанинг ўралиб қолиши юз бермайди.
Бу қия сидирғич тўрли юзасига ёпишган пахтани тез ажратиб олиш имконини берсада, ажратиб олиш жараёнида чигит шикастланади. Бунинг натижасида тола таркибида турли хил нуқсонлар ҳосил бўлади. Бу нуқсонлар тўқимачилик саноатида толани йигиришда унинг тез узилиб кетишида ва материал тўқилганда унинг юзасида доғлар ҳосил бўлиб қолишига олиб келади.
Юқоридаги ўхшаш мосламалардан прототиб қилиб [1] аналог олинди.