Tibbiyot instituti talabalari uchun

Gomoseksualizm
bu faqat bir jinsli kishilarning bir biriga nisbatan jinsiy 
buzuqiligidir. U erkaklik va ayollik turlariga bo’linadi. Ayollik gomoseksualizmi 
jinoiy javobgarlikga ega emas. Erkaklik gomoseksualizmining bir turi 
besoqolbozlik hisoblanadi. Bu erkaklarni erkaklar bilan jinsiy aloqa qilishdir. 
Bunda aktiv sherikning jinsiy organi passiv sherikning orqa chiqaruv teshigiga 
kiritilishi kuzatiladi va ba’zan ko’pincha o’z vazifalarini almashtirishi mumkin. 
Besoqolbozlik bizning mamlakatimizda jinoiy javobgarlik hisoblanadi.
Besoqolbozlikka shubha qilingan odamni ko’zdan kechirishda passiv 
partnyor (sherik) da birinchi marta aloqa qilinganda orqa chiqaruv teshigida 
qandaydir morfologik o’zgarishlar topilmaydi. Aktiv partnyorda esa doimiy 
ravishda besaqolbozlik bilan shug’ullanganda ham, odatda, jinsiy organida 
o’zgarish kuzatilmaydi.
O’rganib qolgan besoqolbozlik belgilariga orqa chiqaruv teshigida 
voronkasimon chuqurlashish, jomini kuchsizlanishi va ko’pincha orqa chiqaruv 
teshigini lang ochilishi kabilar kiradi. Bundan tashqari, nursimon burmalarining 
yassilanishi, to’g’ri ichak shilliq pardasi burmalarining qo’pollashuvi va uning 
chetki qismlarini qalinlashuvi, to’g’ri ichak shilliq pardasining surunkali 
yallig’lanishi natijasida to’q-qizil ko’kimtir tusga kirishi hamda yorilishlar, yaralar 
va chandiqlarning to’g’ri ichakda paydo bo’lishi ko’zga tashlanadi. Bunday 
belgilar, ayniqsa, yoshlik davridan beri besoqolbozlik bilan shug’ullanib kelgan 
passiv partnyorda yaqqol ko’rinadi.
Organizmning o’ziga xos tuzilishi, yoshiga qarab o’zgarishi, kasalliklar 
392

---

ba’zan passiv besoqolbozlik belgilari sifatida xato baholanishi mumkin.
Jarohatlanishdan tashqari, passiv partnyorning to’g’ri ichagida urug’ 
suyuqligi, zaxm yo so’zak kasalliklari bilan kasallanish belgilari, shuningdek orqa 
chiqaruv teshigida yog’lovchi moddalar (vazelin va yog’lar) ham topilishi 
mumkin. Aktiv partnyorning jinsiy organida shilinish va qontalashlar, organ 
yuganining yirtilishi va yorilish hollari ham uchraydi. Jinsiy organida, qovining 
terisi va kiyimlarida ko’pincha axlat izlari hamda boshqa guruh qonlari borligi ham 
aniqlaniladi.