Tibbiyot instituti talabalari uchun

50 yosh va undan yuqori.
Yuzining barcha qismida ajinlar keskin ko’paya 
boshlaydi. Bo’yni va yuqori labida ham ajinlar paydo bo’la boshlaydi. Boshining 
sochi oqarishi va siyraklashuvi odamning individual holatiga bog’liq, ammo 
sochining siyraklashuvi ko’pgina tekshiriluvchilarda kuzatiladi. Ayollarda 50 
yoshlarida klimakterik davr boshlanadi. 60 yoshlarga kelib tana panjalari terisida 
shoxlanish va pigmentatsiya paydo bo’ladi. Ko’pincha ko’z tur pardasining 
chetlarida xiralanish, tishlarining qiyshayishi va tushishi kuzatiladi. Ayollarda 
keksayganda va qariganda ko’pincha mo’ylovi hamda soqolining o’sishi ko’zga 
tashlanadi. Tashqi jinsiy a’zolarida ham jiddiy o’zgarishlar uchraydi.
Yosh bolalar va o’smirlarni yoshini aniqlashda yashagan yillarining soni 
suyaklanish yadrosi va sinostozlar rentgenologik tekshirishda orientir hisoblanadi. 
Keyinchalik yoshni aniqlashda suyaklarda emirilish jarayonlarining rivojlanishi 
shuningdek ularda qo’shimcha tikansimon o’sib chiqishi kuzatiladi.
Yoshni aniqlashda rentgenografiya usuli antropometrik tekshiruv usullariga 
405

---

qaraganda aniq ma’lumotlar berishi mumkin. Rentgenogrammada suyaklarda 
bo’ladigan o’zgarishlarni sud tibbiyoti eksperti, albatta, tajribali rentgenolog bilan 
birgalikda o’tkazishi zarur.
Yoshni aniqlash ekspertizasi xulosasi odatdagi sxema bo’yicha tuziladi. 
Xulosaga ko’zdan kechiriluvchi shaxsning surati va o’tkazilgan rentgenogramma 
ilova qilinadi.
Yoshni aniqlash sud tibbiyoti ekspertizasining qiyin turlaridan biri bo’lib, 
tergovchi tomonidan qo’yilgan savolga javob anamnez materiallarini hisobga 
olgan holda faqat barcha belgilar yig’indisi asosida har tomonlama tekshiruv orqali 
amalga oshiriladi. Bunday belgilar juda o’zgaruvchan bo’lganligi uchun yoshlar va 
o’smirlar 1-2 yilgacha, yigitlarda 2-3 yilgacha va ancha kattaroq kishilarda 5-10 
yoshgacha aniqliqda isbotlaniladi.