Илмий тадқиқот асослари: 1000 саволга 1000 жавоб тошкент–2019

 
489 - САВОЛ: 
МУСТАҚИЛЛИК ПЕДАГОГИКАСИ ҚАН-
ДАЙ ЮЗАГА КЕЛДИ? 
ЖАВОБ: Мустақиллик педагогикаси – бу Ўзбекистоннинг 
мустақилликка эришиши натижасида ва эркин фикрлашга тўлиқ 
имкониятлар яратилиши билан боғлиқ ҳолда юзага кела бошлаган 
замонавий педагогика фанидан иборатдир. 
Мустақиллик 
педагогикасидан 
фойдаланиш 
натижасида 
педагогикада соғлом ақл, ижодий муҳит, миллий руҳият ва анъаналар, 
маросимлар, урф-одатларга мос тарзда таълим - тарибяни олиб бориш 
имконияти яратилди. Мустақиллик педагогикамиз учун муайян 
билимлар йиғиндиси эмас, бакли бола шахси қадриятга айланади. Шу 
сабабли, бугунги ёшларга қўйиладиган талаб фақатгина билимли 
бўлиш эмас, балки изланувчан, ташаббускор, фидойи, интеллектуал 
салоҳиятли бўлишини ҳам талаб қилмоқда. 
КЎРСАТМА: Педагогика фанининг долзарб муаммолари жамият 
тараққиётига мос равишда ўзгариб, ривожланиб бораверади. Шу 
сабабли ҳам педагогик илмий ишларида замонавий илм-фан, техника-
технология ҳамда миллий тарбиянинг энг сўнгги ютуқларини доимо 
эътиборга олган ҳолда олиб бориш керак. 

---

333 
 
490 - САВОЛ: 
МУСТАҚИЛ ТАЪЛИМ – БУ ҚАНДАЙ 
ЎҚУВ ШАКЛИ? 
ЖАВОБ: Мустақил таълим – бу олинган билим, кўникма ва 
малакаларни мустаҳкамлаш, қўшимча маълумот ёки материални 
мустақил ўрганиш мақсадидаги ўқув шакли. 
КЎРСАТМА: Таълим олувчиларни мустақил таълим олишга 
ўргатишнинг оптимал вариантини қўлга киритаман, деган ҳар қандай 
тадқиқотчи таълимда инновацион дастурий-дидактик мажмуалардан 
фойдаланишни билиши керак. 
491 - САВОЛ: 
ОРАЛИҚ НАЗОРАТ – БУ ҚАНДАЙ 
НАЗОРАТ? 
ЖАВОБ: Оралиқ назорат – бу дастурнинг муайян қисмини 
ўрганишни назорат қилиш ва баҳолашни ўзига мақсад қилиб қўяди. 
Шу билан бирга дастурнинг муайян қисмини босқичма-босқич 
назорат қилишни амалга оширади, курс ишлари, малакавий битирув 
ишларининг тайёргарлик даражасини ҳам текширишга ёрдам беради. 
Одатда оралиқ назорат ва унинг даврийлигини ДТС, ўқув режаси ва 
дастурини эътиборга олган ҳолда кафедра йиғилишида, услубий 
уюшманинг таклифини инобатга олиб белгилаб чиқади. Булар олий 
ўқув юрти ўқув жараёнини жадвали ва назорат тадбирлари жадвалига 
киритилади. Бунда ҳам назоратнинг холислиги ва ҳаққонийлигини 
таъминлашнинг турли мезонларини танлаш ўқитувчидан ўқи-
тишнинг фаол усуллари ва уни ўқитишда қўллашдаги аҳамиятини 
баҳолай билишни талаб этади. 
КЎРСАТМА: Янги илмий тушунчани ишлаб чиқишда унинг 
амалий аҳамиятига эътибор қаратиш керак ва бунда оралиқ ва 
якуний баҳолашларни мунтазам равишда кузатиб борилса, илмий 
тадқиқот ишидаги самарадорлик янада юксакроқ бўлади.