Илмий тадқиқот асослари: 1000 саволга 1000 жавоб тошкент–2019

 
487 - САВОЛ: 
МЕТОДОЛОГИЯНИ ТАЪЛИМОТ ДЕСА 
БЎЛАДИМИ? 
ЖАВОБ: Методология бу: 

тадқиқот усуллари мажмуаси; 

муайян фан (соҳа, йўналиш) да қўлланадиган тадқиқот 
усуллари мажмуи; 

илмий билиш ва дунё тараққиётига таъсир кўрсатиш 
ҳақидаги таълимот; 

билишнинг илмий методи ҳақидаги таълимот; 

бирор фанда, муайян йўналишда ёки соҳада қўлланиладиган 
методлар мажмуаси. 
Маълумки, илмий билиш тараққиётида ҳар бир фан ўзининг 
тадқиқот объектига эга бўлиб, ўша объектни ҳар томонлама тадқиқ 
этиш учун умумметодологик тадқиқот усуллари асосида ўзининг 
махсус тадқиқот усулларини яратиш зарур бўлади. Бунда усуллар 
таъсир доирасига кўра умумий ва хусусий ҳолдаги вариантларда 
учраши мумкин. 
КЎРСАТМА: Ҳозирги пайтда таълимни такомиллаштиришга 
эътибор кучаяётганлиги сабабли таълим самарадорлигини 
аниқлашга ҳам методологик ёндашувлар бўлмоқда ёки бир хил 
муаммонинг ечимини топишда турли хил ёндашувлар қилин-
моқда. Шунинг учун бу усулларнинг тадқиқот муаммоси, мақсад-
вазифалари, ишчи фарази ва айниқса, тажриба-синов ишларининг 
босқичларига нисбатан муносабатлари, имкониятлари ва афзал-
ликлари ўрганилиб чиқилиши лозим. 
 
488 - САВОЛ: 
МИЛЛИЙ ПЕДАГОГИКА ҚАНДАЙ МУ-
АММОЛАР БЎЙИЧА БАҲС ЮРИТАДИ? 
ЖАВОБ: Миллий педагогика – яъни ўзбек педагогикаси жуда 
қадимги тарихга эга бўлиб, унинг дастлабки илдизлари, “Авесто”, 
Урхун-Енисей битикларига Селунғур маданиятига бориб 
тақалади. “Авесто”даги “Эзгу фикр - эзгу сўз - эзгу амал” ҳақидаги 
кишиларга кўнгил маърифатини бериш борасидаги қарашлар ёзма 
миллий педагогик қарашларнинг дастлабки намунаси бўлиб, у 
етук инсонни шакллантиришга йўналтирилган. 

---

332 
Замонавий миллий педагогикамизда миллат руҳиятнинг нозик 
жиҳатлари кириб боришига имконият яратилди. Ана шу сабабли 
бугунги миллий педагогикамиз мунтазам равишда тараққий 
этмоқда ва унга баркамол авлодни шакллантиришдек муҳим 
вазифа қўйилган. Айни пайтда барча педагогик тадбирларда ёшлар 
таълим-тарбия жараёнининг объекти эмас, субъекти, яъни 
ижрочиси эканлигига алоҳида эътибор қаратилмоқда. Бу таълим 
олувчиларнинг мустақил ва эркин фикрлашларини таъминлашга 
имкон яратмоқда. Энг асосийси, ёшларда тарбияланиш ва эҳтиёж 
уйғотишга йўналтирилган ҳолда таълим-тарбия ишлари олиб 
борилмоқда. 
КЎРСАТМА: Педагогика назариясидан инновацион таълим 
(тарбия) технологияларини яратишдаги ижодий ишларингизда 
баркамол авлодни шакллантиришнинг методологик асосларига 
кўпроқ эътибор қаратинг.