Илмий тадқиқот асослари: 1000 саволга 1000 жавоб тошкент–2019

485 - САВОЛ: МАЪНАВИЯТ – БУ ҚАНДАЙ ТУШУНЧА? 
ЖАВОБ: Маънавият – (арабча “маънавият” – маънолар 
мажмуаси) кишиларнинг фалсафий, ҳуқуқий, илмий, бадиий, 
ахлоқий, диний тасаввурлари ва тушунчалари мажмуи. 
Маънавият – инсоннинг онги, ақлий қобилиятини, руҳий 
кечинмаларини яхшиликларга, эзгу ниятларга тўла қалбини 
ифодаловчи кўп қиррали тушунча. 
Маънавият – бу кишининг ички, руҳий, ахлоқий қиёфаси 
тушунчаси бўлиб, маълум бир ахлоқ меъёрлари асосида яшаш 
тарзи, умуман ҳаётдир. 
КЎРСАТМА: Табиат ва жамиятда кечаётган жараён ва 
ҳодисалар ҳақида мукаммал тасаввурга эга бўлиш, табиат ва жамият 
ривожланиши ҳақидаги билимларни эгаллаш ҳамда ундан замонавий 
илмий асосларда ҳаётда ўз касбий фаолиятида фойдалана билиш 
учун ҳар қандай инсон узлуксиз ижодий фаолият билан 
шуғулланмоғи лозим. Бу албатта, ёшлар маънавий тарбияси 
муаммоларини ҳал қилишга ҳам тааллуқли бўлиб, у ҳозирда 
педагогика (тарбия) назариясида долзарб муаммолардандир. 
 
486 - САВОЛ: 
ПЕДАГОГИК ЖИҲАТДАН БИЛИМДОН-
ЛИК ДЕГАНДА НИМАНИ ТУШУНАСИЗ? 
ЖАВОБ: Педагогик жиҳатдан билимдонлик – бу илмий - 
педагогик ходимнинг таълим-тарбия жараёнида шахсга ва гуруҳга 
ўзининг ижобий таъсирини ўтказа олиш, таълимнинг илғор 
технологиялари, шакллари, воситалари ва усулларидан ижобий 
сифат ўзгаришлари қилиб, юқори самарадорликни қўлга киритган 
ҳолда фойдаланиш қобилиятлари мажмуи. 
КЎРСАТМА: 1. Илмий тадқиқот ишига оид чоп этилган 
материалларни чуқур ўрганиш лозим. Бунга сабаб, улар орқали 
тадқиқотчининг методик жиҳатдан билимдонлиги юксалади. 
2. Тадқиқот объектидаги ўлчовлар, чегаралар, муҳит, шарт-
шароитлар ўзгарганида тадқиқот ишларини олиб борадиган 
ахборотларда бўладиган ўзгаришларни албатта ҳисобга олиш 
керак. 

---

331