Илмий тадқиқот асослари: 1000 саволга 1000 жавоб тошкент–2019

 
478 - САВОЛ: 
МАЪНАВИЙ БИЛИМ ДЕГАНДА НИМАНИ 
ТУШУНАСИЗ? 
ЖАВОБ: Маънавий билим – бу олинган маънавий 
тушунчаларни (категорияларни) таълим олувчининг пухта чуқур 
ўзлаштириши ва уни тизимли равишда айтиб бера олишидир. 
КЎРСАТМА: Таълим олувчидаги маънавий билимнинг ривож-
ланиб, такомиллашиб маънавий кўникма ва малака эгаси 
бўлишига доимо эътиборда бўлиш керак ва бу орқали улар комил 
етук инсон сифатида шаклланади.
 
479 - САВОЛ: 
МАЪНАВИЙ КЎНИКМА ДЕГАНДА НИ-
МАНИ ТУШУНАСИЗ? 
ЖАВОБ: Маънавий кўникма – бу таълим олувчида тақлид, 
маънавий мақсад ва вазифаларни ҳосил қилишдаги ақлий-ахлоқий 
фаолият натижасидир. 
КЎРСАТМА: Маънавий кўникма эгаси уят, андиша, шарм-
ҳаё, инсонпарварлик, мурувват каби ахлоқ меъёрлари талабларига 
тўлиқ жавоб берадиган одам бўлади. Шунинг учун ёшларимизга 
маънавий тарбия беришда инновацион метод ва технологиялардан 
фойдаланишни одат тусига айлантириб олишимиз керак.
 
480 - САВОЛ: 
МАЪНАВИЙ МАДАНИЯТ ДЕГАНДА 
НИМАНИ ТУШУНАСИЗ? 
ЖАВОБ: Маънавий маданият – мавжуд билим, ҳаётий 
тажриба ва эзгу ғоялар негизида шаклланиб, шахс томонидан ўз 
хулқ-атвори, муаммоси ҳамда хатти-ҳаракатларини онгли 

---

328 
бошқаришга имкон берувчи руҳий ҳолатнинг юқори даражаси 
бўлиб, қуйидагилардан ташкил топади: 

Ижтимоий-ғоявий маданият; 

Ҳуқуқий маданият; 

Жисмоний маданият; 

Сиёсий маданият; 

Эстетик маданият; 

Экологик маданият; 

Жинсий маданият; 

Диний маданият. 
КЎРСАТМА: 1. Илмий ижодни олиб боришда замонавий 
ҳаётий эҳтиёжларни қондириб боришни ўйлаб илмий тадқиқот 
ишини олиб боришни режалаштиринг ва айниқса, бўлажак 
мутахассисларни маънавий-маданиятли қилиш масаласи асосий 
эътиборингизда бўлсин. Бу орқали Сиз, мамлакатимизнинг 
маънавий етук қатламини маънавий етук шахслар билан 
бойитишга муносиб ҳисса қўшган бўласиз.