Маърифат тушунчаси, моҳияти ва мазмуни режа



Download 20,18 Kb.
Sana21.04.2022
Hajmi20,18 Kb.
#569273
Bog'liq
МАЪРИФАТ ТУШУНЧАСИ


МАЪРИФАТ ТУШУНЧАСИ, МОҲИЯТИ ВА МАЗМУНИ
Режа:

1. Маърифат тушунчаси, моҳияти ва мазмуни


2.Маънавият ва маърифат, уларнинг ўзаро муносабатлари
3. Маънавият ва маърифат – маънавий баркамолликнинг асоси

Ҳар қандай жамият ва унинг маънавий тараққиётини маърифатсиз тасаввур этиб бўлмайди. Маънавият ва маърифатнинг ўзаро таъсири ва муносабатлари тўғрисида сўз юритишдан аввал маърифат тушунчаси, унинг мазмуни, моҳияти ва аҳамиятини билиб олишимиз зарур.


Ижтимоий-сиёсий, фалсафий адабиётларда маърифат тушунчасига турлича таърифлар берилиб, турлича изоҳланиб келинмоқда. Бу эса маърифатнинг маънавият сингари кенг қамровли тушунча эканлигини билдиради.
«Маърифат» сўзи якка ва кўплик маъноларда ишлатилади. У араб тилидан олинган бўлиб, «билиш», «билим», «таниш» каби маъноларни билдиради.
Маърифат тушунчаси Шарқ мамлакатларида, жумладан, Марказий Осиёда яшаган, ижод этган мутафаккирларнинг асарларида қадим замонлардан тортиб, то XX аср бошларигача асосан билим ва илм, уни эгаллаш борасида амалга оширилган таълим-тарбия жараёни маъносида қўллаб келинган.
Европа адабиётида бу тушунча XVII аср охири- XVIII аср бошидан бери қўлланила бошлади. Бу тушунчани Ғарб фалсафий фанига бирнчи бўлиб Волътер ва Гердер каби маърифатпарвар олимлар олиб кирган.
Немис мумтоз фалсафасининг асосчиларидан бири Кант мазкур тушунчанинг мазмун ва моҳиятини очиб беришга ҳаракат қилган. У ўзининг «Маърифат нима? деган саволга жавоб» номли мақоласида баён қилишича, маърифат инсон шахсини тарбиялаш, унинг ақли, ахлоқи имкониятларидан жамиятнинг илгарилама, яъни юксаклик томон тараққиёти манфаатлари йўлида фойдаланишдир.
Маърифат – билим ва илм, уни эгаллаш маъносида у ёки бу инсонинг табиат, жамият, инсон моҳияти ҳақидаги билим ва илмларни эгаллаганлик даражаси ва унга алоқадр бўлган жиҳатларни акс эттирувчи тушунчадир. Маърифатли дегани эса – муайян соҳада маълумоти бор, кўп нарсани биладиган, мушоҳада қиладиган, билимли, ўқимишли демакдир. Фанлар кенг ва чуқур ривожланган ва ривожланиб бораётган ҳозирги даврда билим ва илмга интилган ҳар бир киши, фан намоёндаси илмнинг яъники маърифатнинг маълум соҳаси, йўналишинигина эгаллашга эриша олади. Масалан, физика, кимё, биология, тиббиёт, математика ва бошқаларнинг ҳам маълум, ўзи қизиққан йўналишларини эгаллайдилар.
Маънавият, маънавийлик ва маърифат, маърифатлиликнинг ўзаро муносабати ва нисбати масаласини тўғри аниқлаб олиш маънавият баркамол, комил инсонларни тарбиялашда, жамият маънавий – маърифий тараққиётида муҳим аҳамиятга эгадир.
Ҳар қандай жамиятнинг ўзига хос маънавий эҳтиёжлари мавжуд бўлиб, улар орасида билимга бўлган эҳтиёж етакчи ўринни эгаллайди. Чунки жисмоний ва маънавий соғлом одам тинмай билим олишга интилади.
Қуръони карим ва Ҳадиси шарифларда билим эгаллаш – жамиятга ва ўзига фойда келтирувчи шахс бўлиб етишишида муҳим омил эканлиги қайд этилган. Билим олиш фарз эканлиги қайта-қайта уқтирилади. Билимсизлик жамиятда жаҳолат, разолат, бузғунчилик авж олишига ва охир оқибат ҳалокатга олиб келишлиги баён этилган. Ҳадисларда «Олим бўл ёки билим ўргатувчи бўл, ёки тингловчи бўл, ё бўлмаса билимга ва илм аҳлига муҳаббатли бўл. Бешинчиси бўлма, ҳалок бўласан»,[1]- дейилган.
Маънавият ҳар доим маърифат билан яъни билим билан уйғун ҳолда ривожланиб боради. Ҳар иккаласининг уйғунлигига эриша олсаккина ёшларимизнинг маънавий баркамол, иймон-эътиқодли, ватанпарвар, инсонпарвар, виждонли, диёнатли, ор-номусли, ҳалол ва пок инсонлар бўлиб тарбия топишларига эриша оламиз. Бу ҳақда Абу Ҳамид Муҳаммад Ғаззолий қуйидаги фикрларни билдирган эди: Гумроҳ кишилар «Илм бўлгач, амалга ҳожат йўқ қаблида фикр қиладилар. Бундай фикрлар илмнинг ўзи билан кифояланиб, шариатни инкор этувчилар эътиқоди бўлиб, улар учун илм ҳосил бўлса-ю, амал бўлмаса. Бу каби илмдан фойда йўқлигини билишмайди. Ҳолбуки ўқиб ўрганган илмга амал қилмаган кишининг қиёмат кунидаги азоби икки ҳиссадир».[2]
Инсонинг билим ва илмни эгаллаб кундалик амалий фаолиятда уларга амал қилиши инсоф, иймон, виждон, ихлос каби кўплаб маънавий фазилатларнинг янада мустаҳкамланишга олиб келади.
Маънавияти ва маърифати юксак кишиларгина элим, юртим деб яшайди, ўзгаларга ҳиммат – мурувват кўрсатишни, ёрдамга муҳтож кишиларга кўмак бериш ва тўғри йўл кўрсатишни ўзлари учун бахт деб билади. Юксак маънавият ва марифат соҳиби бўлган кишилар бошига мушкул иш, қайғу тушган кишининг мушкилини осон қилади, қайғусига шерик бўлади, дардига малҳам бўлади, ҳожатини чиқаради, етим-есирларни парвариш қилади. Бундай фазилат эгаси бўлган кишиларда миллий ғурур, миллий ифтихор туйғуси, орият кучли бўлади. Улар ўз миллати, эл-улуси манфаати шарафини ҳимоя қилишни ўзи учун шон-шараф деб билади, Ватан мустақиллигига ҳавф туғилса, унинг ҳимояси йўлида мол - дунёсини, жонини аямайди, фидоийлик ва қаҳрамонлик намуналарини кўрсатади.
Озод ва обод Ватан, эркин ва фаровон ҳаётни барпо этишимизда маънавий баркамол, комил инсонни тарбиялаб вояга етказиш биз учун умуммиллий миқёсидаги кечиктириб бўлмайдиган вазифа бўлиб қолмоқда. Ўз истиқболи, келажагини ўйлаган ҳар қайси инсон, халқ, миллат, мамлакат ўз фарзандларининг маънавий – маърифий тарбияси ҳақида ўйлаши ва қайғуриши керак. Зеро буюк маърифатпарвар бобомиз Абдулла Авлоний таъкидлаганидек: «Тарбия бизлар учун ё ҳаёт-ё мамот, ё нажот – ё ҳалокат, ё саодат – ё фалокат масаласидур».[3] Жамиятни, мамлакатни, халқни таназзул ва ҳалокатдан асровчи ва қутқарувчи куч маънавият ва маърифатдир. Буни бизнинг аждодларимиз тўғри тушуниб етган ва ўз фарзандларини камолга етказишда уларнинг маънавий ва маърифий тарбиясига катта аҳамият берганлар. Бу ҳақда энг қадимги қўлёзмамиз «Авесто»да шундай дейилган: «Тарбия ҳаётнинг энг муҳим тиргаги, таянчи бўлиб ҳисобланиши лозим. Ҳар бир ёшни шундай тарбиялаш лозимки, у аввало яхши ўқишни, кейин эса ёзишни ўрганиши билан энг юксак поғонага кўтарилсин».[4]
Маънавият ва маърифат биргаликда бир мақсадни кўзлайди, яъни кишиларни камолот чўққисини эгаллашлари учун йўл очади. Заминимизда яшаб ижод қилган мутафаккирлар ўз асарларида маърифат яъни илм – фаннинг инсон маънавий баркамоллигида тутган ўрни ва аҳамияти ҳақида қимматли фикрларни баён қилганлар. Уларнинг маънавият ва маърифатнинг инсон баркамоллигида тутган ўрни ва аҳамияти ҳақидаги қарашларини ўрганиш – бугунги кунда маънавий баркамол ёшларни тарбиялаш борасидаги вазифаларни амалга оширишимизда муҳим аҳамият касб этади. «Бизларни (илм) жаҳолат қоронғулиғидан қутқарур. Маданият, инсоният, маърифат дунёсига чиқарур, ёмон феъллардан, бузуғ ишлардан қайтарур, яхши хулқ ва адаб соҳиби қилур. Аллоҳ таолога муҳаббат ва эътиқодимизни орттирур...

[1] Муҳаммад пайғамбар қиссаси. Ҳадислар. Тошкент, «Камалак», 1991, 61-бет.


[2] Абу Ҳамид Муҳаммад Ғаззолий, «Охиратнома». Бухоро, 1992, 12-бет.
[3] Абдулла Авлоний. Туркий гулистон ёхуд ахлоқ. Тошкент. “Ўқитувчи” 1992. 14-бет.
[4] Макавелъский А.О. Авесто.Баку, «Азербажан,» 1960, 18-бет.
Download 20,18 Kb.

Do'stlaringiz bilan baham:




Ma'lumotlar bazasi mualliflik huquqi bilan himoyalangan ©hozir.org 2024
ma'muriyatiga murojaat qiling

kiriting | ro'yxatdan o'tish
    Bosh sahifa
юртда тантана
Боғда битган
Бугун юртда
Эшитганлар жилманглар
Эшитмадим деманглар
битган бодомлар
Yangiariq tumani
qitish marakazi
Raqamli texnologiyalar
ilishida muhokamadan
tasdiqqa tavsiya
tavsiya etilgan
iqtisodiyot kafedrasi
steiermarkischen landesregierung
asarlaringizni yuboring
o'zingizning asarlaringizni
Iltimos faqat
faqat o'zingizning
steierm rkischen
landesregierung fachabteilung
rkischen landesregierung
hamshira loyihasi
loyihasi mavsum
faolyatining oqibatlari
asosiy adabiyotlar
fakulteti ahborot
ahborot havfsizligi
havfsizligi kafedrasi
fanidan bo’yicha
fakulteti iqtisodiyot
boshqaruv fakulteti
chiqarishda boshqaruv
ishlab chiqarishda
iqtisodiyot fakultet
multiservis tarmoqlari
fanidan asosiy
Uzbek fanidan
mavzulari potok
asosidagi multiservis
'aliyyil a'ziym
billahil 'aliyyil
illaa billahil
quvvata illaa
falah' deganida
Kompyuter savodxonligi
bo’yicha mustaqil
'alal falah'
Hayya 'alal
'alas soloh
Hayya 'alas
mavsum boyicha


yuklab olish