Ҳар бир киши билиши керак бўлган савол жавоблар

ҲАР БИР КИШИ БИЛИШИ
КЕРАК БЎЛГАН САВОЛ ЖАВОБЛАР

Бутун борлиқ ва коинотни яратган, жонли ва жонсиз барча мавжудодларга илму – ҳикмат, раҳм шавқат билан эгалик қилувчи, ризқлантирувчи ва уларни тарбият қилувчи Аллоҳ таолога беадад ҳамду санолар бўлси!

Унинг ҳабиби ҳазрати Муҳаммад Мустафо саллоллоҳу ъалайҳи вассаламга туганмас дуруду саломлар бўлсин!
Ушбу рисолани ўқувчи азиз ўқувчилар! шошилмасдан китобча моҳиятини тушуниб ўқинг ва унда ёзилган савол жавобларни тафаккур билан таҳлил қилиб, унга амал қилинг.

Инсон кимга айтсин ахир ўғриларни,

Қайдан топсин холис дўстни, тўғриларни?!
Тўрт ён боқиб инсон зотин тополмайди,
Кўрар фақат либос кийган бўриларни.
(Имом Ғаззолий.”Қалблар кашфиёти”дан)

Ҳар кўзки олмаса ибрат, кўрдир,

Ҳар луқма агар бермаса лаззат,шўрдир.
Ҳар тун агар ўзгармаса, тунмас, у кафан,
Ҳар хонаки бирдек тураверса, гўрдир...
(Бедил)
ҲАР
БИР КИШИ БИЛИШИ
КЕРАК БЎЛГАН САВОЛ
ЖАВОБЛАР

Робия Исроилова

Инсонийликни англаш орзу - умидида юрган ўғил -қизларимга, набираларимга қолаверса барчага мўлжалланган фойдали китобча.

Ушбу:
“Ҳар бир киши билиши керак бўлган савол -жавоблар” китобчаси, Яратганни ва инсонийликни англашда озгина бўлсада ҳисса қўшади деган умиддаман.

Бу дунёда яшар эканмиз билиш керак бўлган кўп нарсалар бор.
Айниқса инсон ўзини ўзи тарбиялашда, яхшиликка, эзгуликка чақирувчи билмлардан баҳраманд бўлишга, дунёни теран англашга катта ёрдам беради.
Барча орзу ниятларнинг калити нима? ибодат нима? дунё ва охирот мохиятини англашда нималарни билишимиз керак, каби саволларга жавоб топишга ҳаракат қиламиз.
Нега бу дунёга келдик, яшашдан мақсад
нималигини англашда яхшиликка ундовчи билимларнинг аҳамияти катта.
Тошкент. 2021 йил

АЗИЗЛАРИМ!

Енгил -елпи нарсалар учун юрагингизни сиқманг.