Ҳар бир киши билиши керак бўлган савол жавоблар

Савол: “Фурқон” нима ва унинг маъноси?
Жавоб: Фурқон-ажрим этувчи. Муфассирлар бунинг маъносини “ҳақ билан ботилни, ҳидоят билан залолатни ажрим қилиб берувчи илоҳий китоб деганлар. Улар: Таврот, Забур, Инжилнинг асл нусхалари ёк и Қуръони карим”,-деб шархлаганлар. (Қ.К.”Фурқон” сураси, тафсири.359-бет)
Савол: “Бисмиллаҳ” яъни “Басмалаи шариф”нинг муҳофазаси?
Жавоб:Шайтон мўминнинг олди-орқаси, ўнг ва чап томонидан келиб, иймондан адаштиради.Аллоҳ таоло инсонларга йўлдан адашмасликлари учун “Бисмиллаҳ”ни эҳсон қилган. “Бисмиллаҳ”ни ўқиганда, бу калима инсонни турт тарафдан келадиган шайтондан муҳофаза этишига ишорат бор.
Барча азиз авлиё ва анбиёлар то умрларинг охиригача “Бисмиллаҳ” шарифга таъзим қилиб ўтганлар. Муҳаммад (с.а.в) “Бисмиллаҳ” ёзилган қоғозни ердан олган киши сиддиқлар зумаридандир”,деганлар.
Масалан:
-Боғдодлик Бишр Хофий “Бисмиллаҳ” билан бошланган хатни олиб девор ковагига қўйгани учун улуғ мартабага эришган;
-Рум қайсари ҳазрати Умар юборган (ичига” бисмиллаҳ” ёзилган) бош кийимидан шифо топади;
-Ҳазрати Холид Мажусийлар олиб келган заҳарни “Бисмиллаҳ” ни айтиб ичиб тирик қолади ва мажусийлар мусулмон бўладилар.
Ҳар доим “Бисмиллаҳ”ни илоҳий нур ва ихлос билан айтиш муҳимдир;
(Аъузу ва бисмиллаҳнинг сирлари”Т:.2005.23-24- бетлар)
Савол: “Бисмиллаҳ”даги “Бе” ( ) ҳарфи ҳақида?
Жавоб:Барча илоҳий китоблар(Таврот, Забур, Инжил)нинг моҳияти Қуръони каримда мужассам. Қуръондаги ҳақиқатлар эса “Фотиҳа”сурасида, сураи “Фотиҳа” “Бисмиллаҳир роҳманир роҳим”да жодир У эса “Бисмиллаҳ”нинг “Бо” ( ) ҳарфи остидаги нуқтада мавжуддир. Бу ҳарфда ўн хил шараф ва фазилатлар борлиги аниқланган. Қуръондаги барча сураларнинг (Тавба сурасидан бошқа) 113 таси “Бисмиллаҳ” билан бошланади.
(Аъузу ва бисмиллаҳнинг сирлари”Т:.2005.22- бет
Савол: Шаҳидларданда фазилатли бандалар кимлар?
Жавоби: Расулуллоҳ с.а.в. айтадилар: “Ҳа, ё Абу Бакр!Аллоҳнинг ер юзида шундай мужоҳид бандалари борки, шаҳидлардан ҳам фазилатлидир: яшайдилар, еб-ичадилар ва дунёни айланиб юрадилар. Аллоҳ кшкдаги малаклардан ҳам кўра улар билан кўпроқ фаҳрланади, жаннат ҳам улар учун безанади”, -дедилар. Улар кимлар, Ё Расулуллоҳ?, деди Абу Бакр. У зот: “Улар яхшиликка буюриб, ёмонликдан қайтарганлар, Аллоҳ учун яхши кўриб, Аллоҳ учун ёмон кўрганлар!”,-дедилар.
(Имом Ғаззолий.”Қалблар кашфиёти”. Т:.2019.61-бет.)