«O’zbekiston temir yo’llari» datk

2.7. Elektr poyezdlarning qishda ishlash xususiyatlari 
 
Yilning qish faslidagi sharoitdan kelib chiqqan holda elektr poyezd-
ning elektr jihozlari bo’yicha lokomotiv va kompleks brigadalar qish 
faslida birmuncha ishlarni bajaradi. 
Tortuv dvigatellari va yordamchi mashinalar.
Ma’lumki, elektr 
mashinalari ishlagan paytida qiziydi; ularning korpusidagi qor eriydi va 
namlik zichlanmagan joylardan uning ichiga kiradi. Shu sababli qor 
yog’ayotganda va qor bo’ronlarida mashina korpusini, ayniqsa, kollektor 
lyuklari qopqoqlarining oldini, tovushlar chiqish joylarining atroflari 
qordan tozalanadi. Mashina ichiga oz miqdorda tushgan qor olib 
tashlanadi. Agar qopqoq yo’qotilishi natijasida yoki uning zichlanmagan 
joylaridan ko’p miqdorda qor kirib qolgan bo’lsa, u holda yo’lda bunday 
mashina uzib qo’yiladi. Depoga kelgandan so’ng korpus qordan tozalanadi, 
megoommetr bilan izolyatsiya qarshiligi tekshirib ko’riladi va zarur bo’lsa, 
yakor o’ramlari va qutblar quritiladi. Bunda ularga past kuchlanish 
manbaidan tok beriladi yoki stansionar kaloriferlardan issiq havo beriladi. 
Ayniqsa, kunlar issiy boshlaganda tortuv elektr dvigatel simlaridagi 
ularning klits va kontaktorlari qordan obdon tozalanadi, chunki simlarning 
namlanib qolishi ko’pincha ulardagi izolyatsiyaning teshilishiga olib 
keladi. 
Elektr poyezd kollektorlarining terlab qolishini oldini olish uchun 
imkoni boricha depo xonasiga elektr mashinalarining qizdirilgan o’ramlari 
bilan kiritiladi. Buning uchun elektr poyezdda depoga kirishidan avval 
ma’lum vaqt davomida tortuv va yordamchi mashinalari qizdiriladi. 
Buning uchun elektr poyezd depo yo’llarida yurgiziladi. Depodan 
chiqishda tortuv elektr dvigatellarini ketma-ket ulanishidan foydalaniladi, 
bu kollektorlarning qizishini va namlikning yo’qolib ketishini ta’minlaydi. 
Reduktor kompressor karterlari faqat qishki moy bilan ta’minlanadi.