«O’zbekiston temir yo’llari» datk

Aravacha ramasiga qarov.
Aravacha ramalarini qarovdan o’tqazishda 
eng ko’p e’tibor darzlar hosil bo’lishi mumkin bo’ladigan joylarga 
qaratiladi. Bu e’tibor ayniqsa payvandlangan ramalarda bo’ksa 
kronshteynlarini mustahkamlangan joylarga va ko’ndalang balkalarni 
bo’ylama balkalarga biriktirish joylariga shuningdek, bo’ylama balkalarga 
beriladi. Yaxlit qo’yilgan ramalarda darzlar bo’lmaydi, brusli ramalarda 
ko’ndalang balkalarni bo’ylama balkalarga qotirish boltlarining bo’shab 
qolishi kuzatiladi. Aravachalararo birikmalarda shkvorenning qotirilishi 
tekshirib ko’riladi, plita boltining gaykasi juda qattiq tortilmaydi, VL8 
elektrovozi shkvorenining yuqori qismidagi gaykani shakldor shayba bilan 
tirgaklab qo’yiladi. Elektrovozni qabul qilishda moy voronkasiga ozgina 
o’q moyidan qo’yib qo’yiladi. Agar vaqti bo’lsa, mashinist yordamchisi 
aravacha ramasini quruq mato bilan artib chiqadi, moy bilan kirlangan 
qismi esa kerosin bilan artiladi. 
Agar bo’ksa yo’naltirgichlari qotirilishi yoki torlari bo’shab qolgan 
bo’lsa, ularning boltlari, gaykalari, kontrogaykalari tortiladi, qayta bo’shab 
qolganda esa texnik holat Jurnaliga yozib qo’yiladi. 
Avtoilgichga (автосцепка) qarov.
Elektrovozni qarovdan o’tqazishda 
avtoilgich korpusi, detallari yo’lda o’z-o’zidan uzilib qolishiga olib 
kelmasligini aniqlash kerak bo’ladi. Buning uchun avvalo ajratish 
yuritmasining richagini tortib, kallak suriladi; ko’targich valigi burilmasligi 
kerak. Shuningdek, friksion apparat detallari qisilib qolmayotganligi ham 
aniqlanadi. So’ngra o’ng qo’l bilan qulf ushlagich qo’lqopidagi panjaga 
shunday bosiladiki, u kallakni 7...18 mm ga chiqarsin, chap qo’l bilan 
qulfga bosiladi. U cho’ntakka ko’milib (cho’kib) qolmasligi kerak. 
Avtoilgichni o’rnatish balandligi TEQ (texnik ekspluatatsiya qoidalari) 
talablari asosida belgilanadi. Rozetka mayatnikli boltning uzunligi 
kallakning har tomonga erkin tebranishini ta’minlashi kerak. Korpus 

---

35 
tanasida egilish va darzlar bo’lmasligi kerak. Avtoilgichning ishga 
yaroqliligi va uning detallari eyilishi darajasi maxsus shablon va vertikal 
lineyka bilan tekshiriladi. Avtoilgichni xandaqda (kanavada) qarovdan 
o’tqazishda uning holati va boltlarning qotirilishi ushlab turuvchi pona, 
friksion apparat, tayanch plitasining holati obdon tekshiriladi. Qotirilish 
joylarining bo’shab qolishi va pona osti boltlarining egilishiga yo’l qo’yib 
bo’lmaydi. 
TXK da rozetkaning pastki tokchasidagi tayanch qotirmasini salidol 
bilan moylash kerak.