O’zbekiston respublikasi oliy va o’rta maxsus ta’lim vazirligi universiteti

Cho’rtanbaliq, Tangachalari tozalanadi, boshi kesiladi, ichak-chavog’i, suzgich qanotlari ajratiladi, yuvib, suvi silqitilib, porsiyalarga taqsimlanadi. Kotlet massasiga ishlatish yoki butun holda qiyma tiqib
ishlatish uchun terisi «paypoq yechish» usulida shilinadi.
Qilichbaliq. Bu baliq asosan boshsiz, tangasiz, ichak-chavoqlari ajratilib butun yoki bo’laklarga bo’linib muzlatilgan holda keltiriladi. Suvda yoki havoda muzdan tushirilib, umurtqa suyagi bo’ylab yupqa qora parda olib tashlanadi. Suzg’ich qanotlari ajrati-ladi. Agar porsiyalarga bo’lish kerak bo’lsa, to’g’ri burchak ostida kesib suyakli terili filega ajratiladi. Baliq boshi, ichak-chavoqlari chiqitqisi 25% ni tashkil qiladi.
Kumush rangli xek. Bu baliqning qorin ichidagi qora yupqa pardasi, olib tashlanadi, mayda tangachalari tozalanadi dag’al terisi shilib olinadi, boshi kesiladi. Yiriklari dumaloq holda kesilib, maydalari butun holda ishlatiladi.
Marinka. Bu baliqni bo’laklarga taqsimlashda avval qorni ichidagi zaharli qora pardasi olib tashlanadi.
Dengiz tili. Bu baliq tashqi ko’rinishidan qalqon-baliqni eslatadi. Dum tomonidan terisi kesilib bosh tomoniga qarab tortib shilib olinadi. Ichak-chavoqlarini ajratishda avval bo’ynidan kesib boshi ajra-tilib, so’ng qorin terisi bilan birga shilib olinadi.
Stavrida. Usti teriga qattiq joylashgan tangachalardan iborat bo’lgani uchun, uni tozalashdan avval qaynoq suvga bir oz botirib olinadi.
Tuzlangan seld. Qorni yorilnb ichak-chavoqlari ajratiladi, qorin ichki qora pardasidan tozalanib, yuviladi, dumi va boshi kesiladi. Umurtqa suyagi bo’ylab terisi uzunasiga kesilib, bosh tomonidan dumiga qarab tortib terisi shilinadi. Umurtqa, qovurg’a suyaklari ajratilib sof file holigacha ishlovdan o’tkazish mumkin.
O’ta tuzi ko’p seldni sovuq suvda, achchiq choyda bo’ktirib tuzini ketkazish mumkin. Choy tarkibidag’i dubil mahsuloti baliq sifatini yaxshilashga yordam beradi. Baliq sifatini yanada yaxshilash uchun uni sutda bo’ktirish lozim.