Ovqatlantirish korxonalarining ahamiyati va

Kafeteriylar-yirik oziq-ovqat yoki nooziq-ovqat magazinlarida tashkil

etiladi. Kafeteriylarda issiq ichimliklar, sut-qatiq mahsulotlari, buterbrodlar,

qandolat mahsulotlari va boshqalar tayyorlanishi va sotilishi mumkin. Alkogol

ichimliklar sotish taqiqlanadi. Hisob-kitobni bufetchining o‘zi bajaradi.

Oshxona-tegishli mijozlar talabini qondiradigan, oziq-ovqatlar iste’mol

qilinadigan ovqatlantirish maskani bo‘lib, u erda haftaning kunlari bo‘yicha

taomnoma tuziladi, taomlar tayyorlanadi va mijozlarga taqdim etiladi.

Ovqatlantirish korxonalari orasida oshxonalar eng keng tarqalgan ovqatlantirish

joyi hisoblanadi. Asosiy faoliyati-o‘z mahsulotidan aholi uchun taomlar

tayyorlash, mijozlar talablarini qondirish, nonushta, tushlik, kechki taomlar yoki

ularning bir qismini tayyorlashdir. Oshxonalardan uyga ham taom olib ketish

mumkin. Oldindan buyurtmalar qabul qilinadi, shuningdek taom mahsulotlari,

yarim tayyor mahsulotlar sotiladi.

Oshxonalar bir-birlaridan qo‘yidagicha farqlanadi:

--mahsulotlari assortimenti bo‘yicha: umumiy va parhez taomlar

oshxonalari;

--xizmat ko‘rsatiladigan mijozlar: maktab bolalari, talabalar va shunga

o‘xshashlar;

--manzili bo‘yicha: hamma uchun, OTM va korxona, muassasa xodimlari

uchun.

Tamaddixonalar-taomlar assortimenti cheklangan ovqatlantirish maskani.

Tegishli xomashyolardan tez va oson taom tayyorlanadi, xizmati ham tez amalga

oshiriladi. Iste’mol taomlari assortimenti-sovuq va issiq taomlar, hammabop va tez

tayyorlanadigan taomlar: sosiska, sardelkalar, chuchvara, qovurilgan tuxum. Ushbu

korxonada spirtli ichimliklar sotish ta’qiqlanadi. Tamaddixonalarda hamma ishlar

juda tez bajariladi. Shoshilgan vaqti ziq kishilar bir zumda Ovqatlantirishi

mumkin. Tamaddixonalar mahsulotlar assortimentini sotish bo‘yicha umumiy va

maxsus turlarga bo‘linadi. Maxsus tamaddixonalarda chuchvara, pishirilgan go‘sht,

kabob, somsa, kotlet, sosiska, buterbrod va boshqalar tayyorlanadi.

Tamaddixonalarda ko‘p hollarda tik turib tamaddi qilinadi. Taom tanlangach,

hisob-kitob birdaniga amalga oshiriladi. Bu ish avtomat-kassalar orqali ham

bajarilishi mumkin. Tamaddixonalar odamlar qatnovi ko‘p, ko‘zga tez

tashlanadigan joylarga quriladi.

Bufetlar-ovqat mahsulotlari sotishga mo‘ljallangan bo‘ladi. Ular ichkarida

va tashqarida joylashishi mumkin. Yarim tayyor, har xil boshqa mahsulotlar, eng

ko‘p talab qilinadigan issiq ichimliklar bilan savdo qilinadi. Maktab va OTM

bufetlaridan tashqari hamma bufetlarda tamaki mahsulotlari sotiladi. U erda o‘zo‘

ziga xizmat qilish amalga oshiriladi. Hisob-kitob bufetchi yoki savdo avtomati

orqali bajariladi.

Bufetlar quyidagi joylarda faoliyat ko‘rsatadi:

--mehmonxonalarda;

--tomosha maskanlarida;

--sport maydonlari atrofida;

--vokzallarda;

--daryo va dengiz kemalarida;

--ishlab chiqarish va transport korxonalarida;

--qurilish va boshqa muassasalarda.

Odatda bufetlar mahsulotlarni o‘zlariga qarashli ovqatlantirish

korxonalaridan oladi. Ommaviy o‘yin-tomosha joylaridagi bufetlarda oliy sifatli

qandolatlar mahsulotlari, shirinliklar, meva va ma’danli suvlar, ho‘l mevalar

bo‘lishi kerak. Spirtli ichimliklar bilan savdo qilish mumkin emas.

Baxt uylari qoshidagi bufetlarda meva-chevalar, shirinliklar, shuningdek

gullar va sovg‘a buyumlari bo‘ladi. Nikohdan o‘tuvchilarning xohishiga qarab,

oldindan dasturxon tuzatilishi va ofitsiantlar xizmat qilishi mumkin.