O‘rta maxsus, kasb–hunar ta’limi markazi «maktabdan va sinfdan tashqari tarbiyaviy ishlar tashkilotchisi» kasbi bo’yicha

O’ZBEKISTON RESPUBLIKASI

OLIY VA O‘RTA MAXSUS TA’LIM VAZIRLIGI

O‘RTA MAXSUS, KASB–HUNAR TA’LIMI MARKAZI





«maktabdan va sinfdan tashqari tarbiyaviy ishlar tashkilotchisi »
kasbi bo’yicha
O’QUV DASTURLARI TO’PLAMI

Tayyorlov yo’nalishi:	Boshlang`ich ta`lim va sport tarbiyaviy ishi
Kodi: 3141600
Каsbi:	Maktabdan va sinfdan tashqari tarbiyaviy ishlar tashkilotchisi
Kodi: 3141602
Ixtisosliklari:	1. Umumta`lim maktablari va maktabdan tashqari to`garak ishlari tashkilotchisi (yo`nalishlar bo`yicha)
	2. Ta`lim muassasalarida ommaviy-madaniy tadbirlar tashkilotchisi

Toshkent -2012

O’ZBEKISTON RESPUBLIKASI

OLIY VA O‘RTA MAXSUS TA’LIM VAZIRLIGI

O‘RTA MAXSUS, KASB–HUNAR TA’LIMI MARKAZI

Ro’yxatga olindi № KMD 3141601-2.01 2012 yil 15 август

Vazirlikning 2012 yil 15 avgustdagi 332-1-sonli buyrug’i bilan tasdiqlangan

Pedagogika
FANIDAN O’QUV DASTURI

Fan dasturi Oliy va o`rta maxsus, kasb-hunar ta`limi tayyorlov yo`nalishlari bo`yicha Muvofiqlashtiruvchi kengashning 2012-yil 24-iyuldagi 3-sonli majlisi bayonnomasi bilan ma`qullangan.

Fan dasturi 1-Toshkent Pedagogika kollejida ishlab chiqildi, bilim sohasi bo`yicha sho`ba kelishuvidan o`tkazildi (1-sonli kelishuv bayoni 2012-yil 16-iyul).

Tuzuvchi:	Y.Rasulova	–	1-Toshkent Pedagogika kolleji o’qituvchisi
	O.Nurmatova	–	1-Toshkent Pedagogika kolleji o’qituvchisi
Taqrizchi:	N.Vohidova	–	Nizomiy nomli TDPU “Boshlang`ich ta`lim pedagogikasi va tarbiyaviy ishlar metodikasi” kafedrasi dotsenti, p.f.n.
	Sh.Muxamedova	–	1-Toshkent Pedagogika kolleji o`qituvchisi

Kirish
Insonning har tomonlama uyg`un kamol topishi ta`lim muassasalarining asosiy vazifasidir. Bugungi kunda Respublikada amalga oshirilayotgan ta`lim sohasidagi islohotlar, pedagogika nazariyasi va uni amaliyot bilan bog`lab o`qitish bo`lajak mutaxassislarda kasbiy professional xususiyatlarni shakllantirishda muhim o`rin egallaydi.
Fanni o`rganish natijasida o`quvchilar quyidagi ko`nikmalarga ega bo`lishlari kerak:

• 
  pedagogik adabiyotlarni tahlil qilish;
  
• 
  pedagogik tushuncha va hodisalarning muhim belgilarini ajratib olish;
  
• 
  o`qituvchining mashg`ulotlari, bolalar faoliyatini kuzatish, yozib borish va tahlil qilish;
  
• 
  ta`limning ta`limiy, tarbiyaviy va rivojlantiruvchi xususiyatlarini aniqlay olish va amalga oshirish;
  
• 
  o`qituvchilar ilg`or ish tajribalarini o`rganish va umumlashtirish;
  
• 
  o`quvchilar bilimini nazorat qilish, baholayotganda ichki va tashqi jihatdan izohlash;
  
• 
  o`quvchilar jamoasi, faol o`quvchilar va ayrim o`quvchilar bilan yakka tartibda ishlash;
  
• 
  o`quvchilar bilan olib boriladigan tarbiyaviy ishlarning shakllari (suhbat, axborot, bayramlar, ertaliklar va h.k) uchun manba tanlash;
  
• 
  tarbiya ishlarini rejalashtirish, o`quvchilar xatti-harakatlarini kuzatish va tahlil qilish;
  
• 
  sinfdagi o`quvchilarning o`zaro ijobiy aloqalarini shakllantirish;
  
• 
  o`z ishining natijalarini tahlil qilish, yutuq va kamchiliklarini aniqlash, kamchiliklarni yo`qotish yo`llari ustida ishlash;
  
• 
  maktab ish hujjatlarini yuritish.
  

Fanni o`rganish natijasida o`quvchilar quyidagi bilimlarga ega bo`lishlari kerak:
- O`zbekiston Respublikasi ta`lim tizimi;

• 
  barkamol shaxsni tarbiyalash yo`llari;
  
• 
  ta`lim jarayonida qo`llaniladigan metodlar;
  
• 
  ta`lim jarayoni mohiyati va mazmuni;
  
• 
  ta`limni tashkil etish metod va yo`llari;
  
• 
  ota-onalar va jamoatchilik bilan hamkorlikda ishlash shakllari;
  
• 
  ta`limning sinfdan va maktabdan tashqari turlariga rahbarlik qilish;
  
• 
  pedagogik adabiyotlarni tahlil qilish;
  
• 
  dastur mazmunidan mashg`ulot uchun zarur bo`lgan qismni ajrata bilish va mashg`ulot uchun ishlanma tuzish;
  
• 
  o`z ishining natijalarini tahlil qilish, yutuq va kamchiliklarini aniqlash, kamchiliklarni bartaraf etish yo`llari.
  

Fanning o`quv rejasidagi boshqa fanlar bilan o`zaro bog`liqligi,

uslubiy jihatdan uzviyligi va ketma- ketligi
Ushbu fanni o`zlashtirish uchun o`quvchi umumta`lim fanlaridan anatomiya, biologiya, adabiyot, tarix; kasbiy ta`lim fanlaridan psixologiya, tarbiyaviy ishlar metodikasi, KUGlarda ta`lim-tarbiya nazariyasi va metodikasi, yoshlar tashkilotlari va ular bilan ishlash metodikasi va xususiy metodika fanlarini chuqur o`zlashtirishgan bo`lishlari talab etiladi. O`quv rejaga ko`ra yuqorida keltirilgan fanlar pedagogika fani bilan birgalikda o`zlashtirilishi lozim.

Fanni o`qitishda zamonaviy axborot va pedagogik texnologiyalardan foydalanish

bo`yicha tavsiyalar
Ta`lim jarayonida yangi pedagogik texnologiyalarni qo`llash va axborot kommunikatsion tizimidan foydalanish bugungi kunning dolzarb masalalaridan biridir. Axborot asri bo`lgan hozirgi davrda ta`lim jarayonida olingan axborotlarni qayta ishlash va tahlil qilishga o`rgatish har bir fan o`qituvchisining vazifasidir. Quyida ushbu fanni o`qitishda zamon talabi asosida darslarni tashkil etish bo`yicha tavsiyalar beriladi:

• 
  “Pedagoglik kasbining ijtimoiy mohiyati” bo`limidagi “O`qituvchining jamiyatda tutgan o`rni, mavqeyi” mavzusini o`rganishda O`zbekiston qahramonlari, tajribali pedagoglar Mavluda Ismatova, Manzura Madaliyevalarning faoliyatini o`rganish maqsadga muvofiq. Bu mavzularni o`qitishda internet materiallaridan foydalanish tavsiya etiladi;
  
• 
  O`qitishning interfaol metodlaridan foydalanish yo`llarini o`rgatish va hayotga tatbiq qilish;
  
• 
  R. Ishmuhamedovning “Ta`lim jarayonida innovatsion texnologiyalar” va “Tarbiya jarayonida innovatsion texnologiyalar” nomli uslubiy qo’llanmalarida yoritilgan texnologiyalardan dars jarayonida o`qituvchi va o`quvchining hamkorlikda ishlash hamda dars samaradorligini oshirishda “Piyola”, “Panorama”, “Assisment”, “Kungaboqar” , “Tushunchalar tahlili”, “Mini test” , “Rezyume”, “Keys”, “Muammolar” kabi texnologiyalardan foydalanish maqsadga muvofiqdir;
  
• 
  “Shaxsning kamol topish tizimida sinfdan va maktabdan tashqari ishlar” bo`limida “Barkamol avlod” markazlari ish faoliyati va “Kamolot”, “Kamalak” tashkilotlaridagi ish mazmunini o`rganish, matbuot va internetdagi yangiliklardan xabardor bo`lish, Nizomga kiritilayotgan dasturiy faoliyatlarni kuzatib borish va foydalanish lozim.
  
• 
  Bo`lajak mutaxassislarning kasbiy bilimlarini boyitishda islom ta`limoti manbalari, xalq og`zaki ijodi va allomalarning hikmatli so`zlaridan samarali foydalanish maqsadga muvofiq. Ushbu vazifani amalga oshirish, qolaversa oliy ta`lim bilan izchillikni ta`minlash maqsadida “Pedagogika tarixi” alohida fan sifatida o`quv rejasiga kiritilishi tavsiya etiladi.