Олабўжи романдан катта хикоя

бўлган муҳитда яшаши лозимлиги, уларнинг шароитини ўзгартириш – 
табиат мувозанатининг бузилишига сабаб бўлиши ҳақида ўйларди: ҳа, 
бир табиатшуноснинг “Фан ва турмуш” журналида ёзишича, масалан, 
қорамолларнинг териси остида қурт пайдо бўлган, уни мана шу 
майналар қуритар экан. 
Мана, оқибати... 
 
 
 
 
 
26 
– Ултонбек, хушхабар билан келдим, – деди Абдуқаюм.
– Миршабни ҳайдавордингиз? 
–Уни-ку, бир кун ҳайдашим бор. – Новвой кўрпачага чўккалаб, 
фотиҳа ўқиб қўйди. – Лекин ҳозир у Шўро раисига канвой бўлиб кетди! 
– Тинчликми?.. Ашим, уни очмайсанми? 
– Мен учун бўлса, узр, – Абдуқаюм қўлларини “таслимман” 
дегандек кўтарди. – Хў-ўш, Набибой уларни олиб кетди. Бўтабой Сўпи 
буюрган экан: шуни-шуни топиб, мошинага босиб ке, деб. 
– Н-нима учун? 
– “Крупиская” момомизни хушрўй қилиш учун. 
– Ремонт? 
– Ҳа-да! Зокир Ўриновичнинг оҳи Олло-таолога етипти, Бўтабой 
Сўпи инсофга кепти! 
– Вот, да-а. – Ултон беҳол тортиб кулди. – Зўрники тегирмон 
юргизади, а? 
– Худди шундай! Мен буларни ич-ичидан биламан-да, азизим. 

---

111 
Аммо Набидан шу гапни эшитиб, бироз ҳайрон бўлдик ҳам... 
– Мен ҳам ҳайронман, – деди Ултон. 
– Набибой: “Домилламни хурсанд қип қўйинг”, деди. – Кейин 
ҳиринглаб кулди. – Одил миршаб эсимга тушди. 
– Эй, нега сизга мунча тархашлик қилади у? Текинга нон 
бермаганингиз учунми? 
–Ў, йў-йўқ, ҳар куни етти кулча бошимдан садақа. – Сўнгра майин 
жилмайди. – Келинг, айта қолай. У ҳалиям мени... пулдор деб ўйлайди. 
Ҳа- ҳа. Тўғриси, пул бор. Худога шукур, топяпмиз. Лекин унга бир