Олабўжи романдан катта хикоя

– Бозор кунида-я? 
– Мактабнинг ремонти бозор-бебозорга қарамас экан. 
– Ҳе, хумпар! 
Ултон ўрнидан ирғиб турди. 
– Хў-ўш, ҳалиги шампан... 
– Униям обориб қўйдим! 
' 
– Сен генийсан, Ашимбек! Қани, кўрпачаларниям оборайлик. Э, бу 
пулми? 
– Сизники. 
– Бўпти! Кетдик... 
– А, отингиз бедапояда қоладими? 
– О, йўқ! От, от... – “Миниб бораман-ку? – деб юборди ичида. – Де-
мак, эгарини опкелиб...” – У бизнинг қадрдон-ку! 
...Гижингтойни устунга боғлаб, Ашимга кулба остидан эгарни 
опкелишни буюрди-да, меҳмонхонадан совун-сочиқ олиб чиқди. Айвон 
чироғини ёқиб қўйиб, ариқ бўйига тушиб ювинди. “Салқин. Куздан 
нишона”, дея бугун... жазирамада Баҳорнинг қора кўзойнак тақиб, анави 
зинапоядан тушгани кўз ўнгига келгани ҳолда, айвонга чиқди. Шу ерда 

---

114 
артиниб тураркан, Ашим ҳам бир қўлтиғида эгар, бирида – жул билан 
ёнабетда эниб келди. 
– Эгарлашни биларсан? 
– Эшак бўлсайди. 
– Ҳа-ҳа-ҳа. 
– Йўл бўлсин, ака? 
– Ҳим, иш бор... Сиз телевизор кўриб... Эҳ! – Ултон уйга лорсиллаб 
кириб, бурчакдаги “Берёзка–2”нинг қулоғини буради. Эски, фақат оқ ва 
қора рангда кўрсатадиган “ойнаи жаҳон”га жон киргандек ғингиллай 
бошларкан, тошойна қошига ўтди-да, бирдан алами келди: соқолни 
олиш учун иссиқ сув керак... Йигит жақл билан сочиқнинг ҳўл жойини 
ияги-бетларига ишқий бошлади. Ниҳоят, студентликдан қолган темир 
ускуна олмосини алмаштириб, соқолни қиртишлай кетди. (Унинг 
соқоли тиғиз: шунинг учун олгандан кейин ҳам ияклари қорайиброқ 
туради.) 
– Ака, қаерга борасиз?