Олабўжи романдан катта хикоя

– Жим-м... – Кейин унга бошини бурди. – Баҳор опангни олдига. 
Йигитча сумрайиб қолди-да, сўнг иршайди. 
– Кўнглимдан ўтиб эди... – Сўнгра эса унинг нигоҳида Ултонга 
нисбатан ачинишми – бир синиқ ифода зоҳир бўлди. 
– Нима, боришимни истамайсанми? 
– Нега-е... – Ашим ҳушёр тортди. – Ўзим айтдим-ку, у кишини 
айлантиринг, деб. 
– Айлантиринг... Қизиқ! Ана, кесиб олдим... Жим! – Ниҳоят юзини 
артиб, телевизор программасини ўзгартираётган Ашимга: – Масковни 
қўй, Масковни! – деди. – Бизда “Время” саккиз яримда бошланадими? 
– Ҳа. 
– Хўш, кийимни... Лекин чопон... 
– Опкелайми? – деди Ашим ҳозиржавоблик билан. Ултон уни 
суйиб кетиб, табассум қилди. 

---

115 
– Сени нуқул... 
– Қўйсангиз-чи, – Ашим ташқарига чиқди. Ултон унга қандайдир 
миннатдорлик билдиришни истаб: 
– Ҳой, каравотда бир китоб ётипти! Ола кел униям! – деб бақирди. 
– Сетон Томпсон! 
– Хўп. 
Ултон ҳам шу бўйи ташқарига чиқди-да, отнинг қошига тушиб, 
унга эгар урди, айилини тортди. 
Ашим қайтиб келганида, Ултон йўлга шай эди. 
– Бу китобни кўрган эдим. 
– Уқи. Дуч келган ҳикоясини ўқи. Бари – классика. Сен билан биз 
тоғликмиз деб юрамиз. Аслида ҳеч балони билмаймиз. 
– Ака, бир нарсани сўрасам... 
– Сўра. 
Ултон йўлда наъматаклар оралаб ўтиши, демак, чопон уни 
тиканлардан ҳам ҳимоя қилишини хаёлидан ўтказган кўйи хонтахта 
ёнидаги стулга чўкди. 
Ашим китобни хонтахтага қўйиб, гиламга ташланган кўрпача 
четига омонат ўтириб, бошини эгди. 
— Шу-у, ҳайронман-да... Мана, адабиёт – тарбия қуроли деймиз. 
Матбуотдаям. Умуман...