Олабўжи романдан катта хикоя

мириям бермайман. Принципим шу: бермайман! 
– Нега энди “беришингиз” керак? Нега у... умидвор бўлиши керак? 
– Азизим, угина эмас, прокурор жаноблариям умидвор. 
– Н-нега? 
– Э, биз ахир, – Абдуқаюм кўприкка қаради, – шу савоб ишимиз 
учун уч йил олишимиз керак эди-да. 
– Тўқлибой Қўчқоров орага тушди, масала ҳал бўлди, девдингиз-
ку?
– Ҳа, бунинг учун у кишининг отасига минг раҳмат... Аммо 
буларга бир нapca чўзишим шарт эди. Ахир, “мунча пулни қайдан 
топдинг?” деб мени қанча қийноққа олишди! Хайрият, синфдошингиз 
каттанинг олдига опкирди мени... – Абдуқаюм бирдан хахолаб кулди. – 
Ўшанда Тўқлибой ака айтган эди: “Муроса қилмайсизларми? – деб. 
“Қонунни рўкач қилгунча!” Зўр гап-а? У одамда мусулмончиликдан 
бор. Лекин анави гапнинг тагидаям гап бор эди. Мен ўзимни овсарликка 
солдим... Райкомдан чиққандан кейин миршаб бир-икки тагдор гап 
қилди. Бошқа-бошқа жавоблар бердим. Матасиклдан бозорчага 
туширгандаям: “Омадинг бор экан, лекин дело ёпилгани йўқ”, деди. 
Мен: “қуллуқ, ака”, дедим... Барибир ҳалигача таъмаси бор... 
– Аблаҳ. 
– Ҳой, шулар ҳақида бир-ир нарса ёзсангиз! 

---

112 
– Жирканаман, – деди Ултон. – “Муштум”чилар ёзса бўлар... 
Лекин уларниям алдайди булар, ё қўлга олади. Ёки тайёр материални 
қолдиртириб юборишади. ...Сиз ҳали инсоф ҳақида гапирдингиз. 
Буларда инсоф борми? Жиғилдон бор, холос. 
– Булар ҳеч тузалмайдими, домла? – аста сўради Ашим. 
– Йўқ, – деди Ултон. – Букрини гўр тузатармиш... Буларни гўр ҳам 
тузатолмайди. 
– Аттанг, ёзсангиз, ўқиб би-ир ҳузур қилардик-да, – мижғовланиб 
чайналди Абдуқаюм.