Олабўжи романдан катта хикоя

– Камситасиз-да... – мунғайибгина қўлини кўксида қовуштирди 
Ўзоқ Тўлаганов. Кейин ранги оқаринқираб, давом этди: – Лекин мен бир 
нарсага ишонаман: Тўқлибой Қўчқоров ақлли инсон, Бўтабой Сўпи... 
Хуллас, Бўтабой Сўпи қовун тушириб қўйган бўлиши мумкин. 
– Яъни, вақтидан бурун менга қўнғироқ қилиб? 
– Шундай. 
– Балки, балки... Ундай бўлса, айни мана шу Ултон билан иши 
бошидан ошиб ётган қизимиз Баҳор Кенжабоевани юборишига нима 

---

106 
дейсиз? 
– Энди-и... 
– Ахир, маорифда пашша қўриб ўтирган методистлар камми? 
Райкомнинг ўзида-чи? 
– Вой, сабр қилинг! – Тўлаганов энди қизарди. – Энди-и, 
мактабни... Ултон яхши билади. Ултонбекка... ишонсалар керак... у 
киши. Ҳарқалай... 
– Ишонади! – кесиб деди Зокир Ўринов. – Чунки Қўчқоров 
Ултонни бир замонлар ўқитган. 
– A-а, раҳма-ат. 
– Бироқ Ултон салкам уч йилдан буён шу ерда... Ултон, сени бирон 
марта йўқладими у? 
– Йўқ, домла. 
– Вот та-ак. Келиб-кели-иб бугунги кунда.., а, Ўзоқбой? 
– Ахир, сентябрь яқин! – деди у. 
– Да... Сизга гап топиб бериш қийин. Аммо уларнинг ёнини 
олаётганингиз аниқ. 
– Вой, нималар деяпсиз, ўртоқ Ўринов? Ҳамма вақт менга шундай 
ишончсизлик билан қарайсиз-а? 
– Асосим бор. 
– Хўш? 
– Нега ичмайсиз? 
Кулги бўлди. 
– Мен энди бир оғиз ҳам гапирмайман, – деди ниҳоят илмий мудир. 
– Майлингиз, – деб хўрсинди Зокир Ўринов. – Лекин бу ишлар 
кишини ҳайрон қолдирадими, йўқми? 
– Ҳа, – деди Ултон. 
– Хўш, яна биттадан олайлик! 
– Оласиз, ош бўлсин. – Ултон шампаннинг қолганини пиёлаларга