Олабўжи романдан катта хикоя

эшитасиз. 
–Бемалол. 
Директор туфлисини бир-бирига ишқаб ечиб ташлади-да, 
кўрпачага чўкди. Сўнг бирдан чордона қуриб олди. Энкайиб, таомларга 
маъносиз термулди-да: 
– Э, хода ютганмисиз, Ўзоқбой! – деди. 
Илмий мудир Ултонга одатдагича синиққина жилмайиб: “Бу 
кишининг одатини биласиз-ку, бир нима деб бўлмаса...” мазмунида 
хокисорлик билан: 
– Хўп, хўп, – дея домлага ёндош чўкди. Кейин шу ўтиришидан ҳам 
Зокир Ўринов айб топадигандек, чордона қурди. – Ултонжон, ўтиринг 
ўзингиз ҳам... 
Ултон гурс этиб чўккалаши замон Зокир Ўринов қўлини фотиҳага 
очди. 
– Омин! Тўйлар бўлсин! Нима дедингиз, ўртоқ Тўлаганов? 
– Маъқул, маъқул, – деди илмий мудир. – Қанийди, биз ҳам хизмат 
қилсак. 
Ултон Мустафоқул амакидан ҳам бу гапни эшитганини эслади. 

---

103 
– Раҳмат, раҳмат. 
– Оллоҳу акбар! 
Юзларга фотиқа тортилди. 
– Хў-ўш, эшитамиз, домла! – Ултон Ашимга қуйилган шампанни 
сепиб ташлаб, янгитдан қуйди. Домлага узатди. – Сиз ичмайсиз-а, Ўзоқ 
ака? 
– Шу, шу-у. 
Ултон кулумсиради. 
– Домла, Проспер Меримени ўқигансиз. Ўша адиб бир ҳикоясига 
шундай эпиграф қўйган экан: “Ичмаган одамдан қўрқ!” 
– О-о-о! – деб юборди Зокир Ўринов. – Классик гап! 
– Ахир, менинг ошқозоним... – деб чайналди илмий мудир. – 
Бўлмаса, жоним билан... 
– Сизнинг ошқозонингиз мана шу устихонниям ҳазм қилади! – 
деди Зокир Ўринов ва яна дастурхонга кўз тикиб қолди-да, бир нарса 
наша қилгандек кулумсираб, бошини сарак-сарак қилди. Сўнг: 
– Қизиқ иш бўлди. – деди мастона тус олиб. 
– Хўш?