Олабўжи романдан катта хикоя

Баҳор хахолаб юборди. Кейин бўш қўли билан кўксини пайпаслаб: 
– Вой, не магу, – деди. Сўнг креслога таппа чўкиб, оёқларини енгил 
бир ҳаракат ила чалиштирди. – Хўш, шундай қилиб, вертолётдан 
отишди денг? – Ултонга ўйчан боқди. – Райбалницада ишлаб 
юрганимда, Тошқўрғон қишлоғида бир болани илон чаққан экан, 
вертолёт заказ қилиб боргандик. Бир рейси олтмиш беш сўм! 
Боргунимизча бола ўлиб бўлган экан... Ўшанда учувчидан эшитувдим. У 
вертолётдан кийик отишаркан. Кийикларниям кўрсатишди... Нега 
мундай ғалати бўлиб қолдингиз? 
Ултон хўрсинди. 
 

---

61 
– Тошқўрғон-бизнинг қишлоқ... Шуни эсладим. 
– Э, оқсувлик эмасмисиз? 
– Нега, шу ерда туғилганман... Тошқўрғонга қўндингларми? 
– У ерда одам яшамас экан-ку? Па-астликда бир овул бор экан. 
Боғлари, тутзорлари бор... Бола бечора тут егани дарахтга чиққан экан. 
Ултон курсига ўтирмоқчи бўлди-ю, гап узилиб ёки маромини 
йўқотиб қўядигандек туюлди. 
– Ҳа, Тошқўрғон бўм-бўш... – деди. – Ҳарбий базага яқин-да, 
аҳолини кўчириб юборишган. 
– Да-а, – оёқларини баҳузур қимирлатиб чайқалди Баҳор. – 
Хоҳласа кўчириб юборади, хоҳласа – кўчириб келтиради. Қозига боғлиқ. 
Ҳа-ҳа-ҳа... – Тап-туп этиб келаётган қадам товушини Ултон ҳам эшитди. 
– Наби сизни яхши кўради, – деди Баҳор туйқусдан. – Лекин содда бола-
я? 
– Ҳа, мардлар ўзи содда бўлади, – деди Ултон ишонч билан. – 
Соддалик – қандай яхши фазилат... 
– Наби келди шекилли... Хуллас, вертолётдан отишди-ю, териси 
сизники бўлди, шундайми? – У яна терига тикилди. – Эсиз, туллаган 
пайтида отилган дейман? 
– Худди ўша пайтда!