Олабўжи романдан катта хикоя

– Нимага-я? Бундан бир буюм чиқмаса... – Сўнгра Ултонга ёрқин 
табассум қилди. – Arap сержун бўлганида, сиздан сўраб олардим. 
– Мен ҳам жон деб берардим. 
– Лекин бунинг боши билан бармоқларини нима қилишади? 
– Ирим... – жилмайди Ултон унинг билмаслигини ниқоблайдиган 
бир ниятда. – Жуд-да ибтидоий эътиқодларимиздан қолган ирим: 
айиқнинг тирноқларини ҳам тизим қилиб, эшик тепасига илиб 
қўйганлар. Қандайдир – ғайри кучларни даф этади, деб ишонганлар. 
Майли-да... Ахир, ўзимизнинг қадимги турклар байроғида бўрининг 
сурати бўлган-ку? Атиллами эсланг! Хунлар лашкарбошиси! Эрамиздан 

---

62 
аввалги уч мингинчи йилларда... “Великое переселение народов с 
Востока на запад!” дейилади тарихда. Хунлар – мажорларнинг ҳам 
авлодлари бўлишган... 
 
 
 
 
 
14 
Наби буларга халақит бермаслик учун нарвоннинг бирон 
поғонасида тўхтаб қолгани аниқ эди. 
Булар эса уни ёддан чиқарган, қизнинг ҳайрати-эътибори илҳом 
бахш этган Ултон “ирим”дан бошланган маърузасини тобора 
чуқурлаштириб борар эди: 
– Шундай... Дарвоқе, сиз Сат Ок асарларини ўқиганмисиз? Канада 
ҳиндуларидан чиққан ёзувчи у... – Ултон жавон бетига тутиб қўйилган 
сўзанани кўтариб, китобларга тикилди. – Қаердайди... 
– Кейин кўрармиз, – деди Баҳор. 
– Хўп. – Ултон ўчган сигаретни тутатиб олди. – Ана ўша Окнинг 
асарларида... жуд-да қизиқ бир детал бор! – У ҳузурланиб илжайди. – 
Ҳинду овчилари айиқни отишдан олдин ўз худоларига ёлворишар экан. 
Гўё рухсат сўрашар экан. Кейин айиқнингг ўзидан ҳам!.. Ҳа-ҳа, 
айиқнинг ўзидан! Пичирлаб: “Бизни афу эт”, дейишаркан. Оч