Олабўжи романдан катта хикоя

сийналарини унга тегизиб олар экан... Қиз бунга улгурмаганиданми: 
– Ҳайрият-е! – деб кулди ва уй ичига боқиб: – О-о-о! – деб юборди. 
Ултон учун шу бир “o-o!” хитоби бор бисотига берилган юксак 
баҳо эди. Бунинг тағин шарҳланишини кутиб, ўзини камтарликка солди. 
– Энди-и, бекорчиликда... 
– Не-е-ет. – Баҳор сумкасини орқасида тутиб ва қандайдир 
қимирлаб қарай бошлади. 
Ултон тўрга ўтди. Ўзининг суюкли ёғоч креслосини кейинга 
тортиб қўйди. Сигарета қутиларини стол четига сурди ва “дастурхон 
йўқ-ку?” сўзи тилининг учига келди-ю: “Кейин, кейин...” дея стол 
ёнбошидаги қўлбола курсида тахланиб ётган газеталардан бирини олиб, 
столга ёйди. 
У “кейин...”деганда, бу ердан чиқиб этакка – боғ жиягида қурилган 
иморатга тушиш, у ерда ўтиришними – суҳбатни давом эттиришними 
кўзда тутган эди. 
– Бу нима, ўртоқ Султонов? Охотничий трофейларданми? 
Баҳор бош ила кўрсатган деворга қараб: 

---

59 
– Шундай десаям бўлади, – деди Ултон. Ва шошилиб изох берди: – 
Лекин мен отмаганман! 
– Айиқми? 
– Ҳа. Етимчўққининг тагидан... 
– Қани бунинг боши? 
– Боши билан панжалари ҳам Расул бобо деган подачиникида 
қолган. Ўғлим кесиб опқўйипти, дейди... Ошлагани берганимда. Кейин 
сўролмадим, у киши отамнинг ошнаси... 
– Да-а. 
– Балки ўтирарсиз? 
– Раҳмат. – Баҳор Наби келгач ўтиришни ўйлади шекилли, сал 
тисланиб, печнинг томни тешиб чиққан карнайига қарадида: – А, буни 
ким отган, йўғасам? – деб сўради. – Менимча, айиқ отиш ман қилинган. 
Штрафиям каттадир? 
– Саккиз юз сўм! – деди Ултон оғзнни тўлдириб. – Бироқ, – 
тишлари ғижирлагудек бўлиб давом этди, – браконьер шунинг учун ҳам