N. B. Dilmurodov

Jag‘ osti so‘lak bezi – glandula submaxillaris
orqa – yuqorigi uchi – 
extermitas caudadorsalis
atlant qanoti ostida, old – pastki uchi – 
extermitas 
craniaventralis 
esa til osti suyagining tanasi to‘g‘risida joylashadi. Bezning orqa 
tomoni 
– margo caudalis
qavargan, orqaga va pastga qaragan; uning oldingi 
tomoni – 
margo cranialis
biroz botiq. Jag‘ osti so‘lak bezining yo‘li – 
ductus 
submaxillaris
oldinga yo‘nalgan bo‘lib, til osti o‘smasida ochiladi.

---

Hayvonlardagi farq qiluvchi xususiyatlari. 
Otda – cho‘ziq va egik holatda, 
atlant chuqurchasidan to til osti suyagining tanasigacha boradi; u quloq orti bezi, 
umrov-jag‘, ikki qorinchali va qanotsimon muskullar ostida joylashadi. 
Cho‘chqada – kichik, yumaloq shaklda, bo‘lakchali tuzilishga ega, quloq orti bezi 
bilan qoplangan, o‘zi esa elka-til osti muskulini qoplaydi; yo‘li til uzangisi yonida 
ochiladi. Itda – yumaloq shaklda, uning bo‘lakchalari bir-biri bilan jips birlashgan; 
yo‘li til osti o‘smasigacha cho‘ziladi. 
Til osti so‘lak bezi – glandula sublingualis
– ikkita: a) til osti qisqa yo‘lli 
bez – 
glandula subligualis parvicanalaris
og‘iz bo‘shlig‘i shilliq pardasi ostida 
joylashib, uning kichik chiqaruvchi yo‘llari – 
ductus sublingualis minoris
shilliq 
pardasiga ochiladi; b) til osti uzun yo‘lli bez – 
glandula sublingualis 
grandicanalaris
iyak osti burchagigacha borib, uning uzun yo‘li – 
ductus 
sublingualis major
til osti o‘smasiga ochiladi. 
Hayvonlardagi farq qiluvchi xususiyatlari. 
Otda – faqat kalta yo‘lli bo‘ladi; 
3-nchi oziq tishidan to iyak osti burchagigacha boradi; 30 ga yaqin kichik yo‘llari 
bo‘lib, ular shilliq pardasiga ochiladi. Cho‘chqada – 2 ta, uzun yo‘lli bez 
lentasimon, jag‘ osti bezining oldingi uchidan to til ildizigacha keladi; qisqa yo‘lli 
bez uzun yo‘lli bezning oldingi tomonida joylashadi, iyak osti burchagigacha kelib, 
kichik yo‘llari til yonlarida ochiladi. Itda – 2 ta, qisqa yo‘llisi til ostining yonlarida 
yotadi; uning yo‘llarini bir qismi mustaqil ochiladi, qolganlari esa uzun yo‘lga 
qo‘shilib ketadi.