Mundarija kirish I. Bob ziddiyatlar tasnifi, kelib chiqishi

TAVSIYALAR
Har qanday pedagog hayoti va ishlash jarayonlarida albatta katt-kichik ziddiyatli, muammoli vaziyatlarga duch keladi. Bunday vaziyatlarga kamroq tushishi, jamoani to‘g‘ri va adolatli boshqarishda pedagogda qanday mas'uliyat va xislatlar bo‘lishi kerakligini qauyidagi tavsiyalarimizda ko‘rishingiz mumkin:
1. Pedagog eng avvalo mas'uliyatni his etuvchi tarbiyachi, tajribali notiq, madaniyat va ma’rifat targ‘ibotchisi bo‘lishi, har tomonlama boshqalarga o‘rnak bo‘lishi;
2. Yuksak pedagogik tafakkur bilan ta’lim-tarbiya jarayoniga ongli va ijodiy yondashishi, metodik bilimlarini samarali qo‘llay olishi va qobiliyatli bo‘lishi;
3. Tajribali o‘qituvchilar faoliyatini o‘rganishi, ular tomonidan tashkil etilayotgan mashg‘ulotlarni kuzatishi va tahlil qilishi;
4. O‘quv-tarbiyaviy jarayonni jahon andozalariga xos so‘ngi zamonaviy metod va shakllar asosida tashkil etishi va boshqarishi;
5. Tarbiyachi mahoratining mohiyati, funksiyasi, tuzilishi to‘g‘risida uzluksiz ma’lumotlarni o‘rganib borishi, o‘z ustida ishlashi;
6. Har bir o‘quvchisi va uning oilasi haqida chuqr ma’lumotga ega bo‘lishga intilishi;
7. O‘qituvchi tabiatan o‘quvchilarni seva olishi, o‘z mehrini, his-tuyg‘ularini har lahzada o‘quvchilar ichki dunyosi bilan bog‘lay olishi, ularning ham mehriga, ham hurmatiga sazovor bo‘lishi;
8. Pedagogika va psixologiya fanlari asoslarini puxta bilishi, o‘quvchilarning yosh va psixologik holatlarini inobatga olgan holda ta’lim va tarbiya jarayonlarini tashkil etishi lozim.
Agar o‘qituvchilar shu ta’kidlab o‘tganlarimiz asosida ta’lim va tarbiya jarayonini olib borsalar, ularning kasbiy faoliyati davomida turli muammolarga duch kelish ko‘rsatkichi kamroq va namunali pedagog sifati ko‘proq namoyon bo‘lgan bo‘lar edi. Bu orqali esa turli ziddiyatli va nizoli vaziyatlarga tushish extimoli pasayib, sinf, jamoa o‘rtasidagi o‘zaro hurmat ko‘tarilishiga, tarbiya berishda esa yuksak samarodorlikka erishilgan bo‘lar edi.
O‘zbekiston Respublikasi Birinchi Prezidenti Islom Abdug‘aniyevich Karimov "Tarbiyachi-ustoz bo‘lishi uchun, boshqalarning aql-idrokini o‘stirish, ma’rifiy ziyosidan bahramand etish, haqiqiy fuqaro etib yetishtirish uchun eng avvalo tarbiyachining o‘zi aynan shunday yuksak talablarga javob berishi lozm"²⁰,- degan edi. Darhaqiqat, o‘qituvchi o‘zi boshqalarga o‘rnak bo‘la olmas ekan, u bergan ta’il ham, tarbiya ham behuda hisoblanadi.