Mundarija kirish I. Bob ziddiyatlar tasnifi, kelib chiqishi

Malakaviy ishning ilmiy yangiligi.
« Boshlang‘ich sinf o‘quvchilari o‘rtasida ziddiyatli vaziyatlar va ularni oldini olish yo‘llari « ga bag‘ishlangan ilmiy ishlar, ilmiy qo‘llanmalar va maqolalar ko‘plab yaratilgan bo‘lsada, hozirgi zamon dunyo miqyosida ta’lim va tarbiya jarayoni ushbu mavzuga oid ilmiy izlanishlarni davom ettirishni, o‘quvchilarning erkin fikrlashi, o‘z qobiliyatlarini erkin namoyon qilishi, insonlar, jamiyat orasida o‘zini erkin shaxs sifatida ko‘rishi, o‘ziga bo‘lgan ishonchining mustahkamlashida bolalar yoshligidan ma’naviy zararlanmagan, ruhiyati cho‘kmagan bo‘lishi lozim.
Malakaviy ishimizning ilmiy yangiligi shundan iboratki, bilamiz o‘quvchilar o‘rtasida boshlang‘ich maktab davrida juda ko‘p ziddiyatli vaziyatlar bo‘lib o‘tadi va bu ko‘pincha vaqt o‘tishi bilan unutiladi. Ammo vaqt o‘tishi bilan ham unutilmaydigan ziddiyatli vaziyatlar ham uchrab turadi. Masalan bitta sinfda boyning farzandi ham, o‘rtahol oilaning farzandi ham, kam ta’minlangan oilaning farzandi ham ta’lim olganidek, o‘sha maktab direktorining farzandi ham, ana shu maktab o‘qituvchilarining farzandlari ham tahsil olishi mumkin. Ana o‘sha maktabda ishlayotgan o‘qituvchilar farzandlarining aksariyatida o‘ziga emas maktabda ishlayotgan yaqinlariga bo‘lgan ishonch ularning «men» tushunchasini bo‘rttirib yuboradi. Atrofdagi sinfdoshlariga nisbatan kuchlilik, bepisandlik tuyg‘ulari shakklanadi va bundan turli xil unutilib ketishi qiyin bo‘lgan ziddiyatli vaziyatlar kelib chiqadi. Mana shu ziddiyatli vaziyatlarni amaliyot davomida kuzatish va tahlil qilish orqali ushbu mavzu yuzasidan tajriba-sinov ishlarini amalga oshirdik.
Bitiruv malakaviy ishimizni yozish jarayonida ushbu mavzuga oid hozirgacha yaratilgan, ilmiy ishlarga, maqolalarga, sharq pedagogikasida o‘zining ta’lim va tarbiya berishni maqsad qilgan pandnoma va nasihatlari bilan ongimizda chuqur iz qoldirgan buyuk allomalarning oltinga teng so‘zlariga va uzoq yillardan beri yoshlarga ta’lim berib kelayotgan tajribali pedagoglarning ilg‘or tajribalariga suyandik.