Microsoft Word togaymurod otamdan qolgan dalalar lotin ziyouz com doc

 
22 
Ko‘zlarimni ochdim — boshimda oppoq kiyimlik qizgina o‘tirdi. 
— Eb-ey, qaerga kelib qoldim, eb-ey! — dedim. Adog‘imda onamiz o‘tirdi. 
— Ochiq mozorga kelib qolding! — dedi onamiz. — Ochiq lahadga kelib qolding! 
Ideologiya bilan raisimiz kirib keldi. 
— Nima bo‘pti, Bolxin momo? — dedi raisimiz. 
— Nima bo‘lgich edi, ana, ko‘rgiligini ko‘rib yotibdi! — dedi onamiz. — El-xalq azonda Jarariq 
adog‘idan topib olibdi. Munday qarasalar, balchiqda bir murda yotgan emish. 
— Ana qahramon, mana qahramon! — dedi raisimiz. 
— Matrosov! — deya xitoblandi Ideologiya. — Zamonamiz Matrosovi! Bunday qahramonlar bilan 
kommunizm qursa bo‘ladi! 
Onamiz yengi uchi bilan og‘zini ushlab yig‘lamsiradi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
55
— Selda-da aql yo‘q ekan-da, — dedi onamiz. — Birato‘la ochiq mozorga olib borib tashlamabdi-
da! 
— Unday demang-e, Bolxin momo! — dedi raisimiz. — Dehqonqul aka tabiiy ofat bilan 
qahramonlarcha olishgan! 
— E, qirilib qirg‘inni oldidan ketsin, bundaychikin qahramon! 
— O‘rtoq Jamoliddinov tabiiy ofatni ko‘ksi bilan to‘sib, Matrosov jasoratini takrorlagan! — dedi 
Ideologiya. 
— E, kafanini bichayin, bundaychikin Matrosovni, kafanginasini bichayin! 
— Baqirmang-e, ena... — dedim. 
— Baqiraman! — shang‘illadi onamiz. — O‘lib ketsang, bola-baqrangni kim boqadi?! 
— Uf-f, ena... 
— Ha, fotig‘angga borayin sendaychikin Matrosovni, fotihaginangga borayin! 
— Ha endi, paxta uchun-da, Bolxin momo, paxta uchun — dedi raisimiz. 
— Ha, paxtalaring qiyomat ketsin-a, paxtalaring qiyomatgina ketsin-a! Men paxta deb nima 
bo‘ldim? Bir belangi bo‘ldim! Ulapam o‘ttiz so‘m pensiya bo‘ldi. 
— Siz siyosiy xato qilmoqdasiz, momay! — dedi Ideologiya. — Sotsialistik sistemamizning eng 
buyuk afzalligi shundaki, u mehnatkashlarni o‘z taqdirining xo‘jayini qilib qo‘yish bilan, insoniyat 
tarixida birinchi marta oddiy insonni misli ko‘rilmagan yuksaklikka ko‘tardi, kapitalistak qullik 
sistemasi ezib kelgan million-million kishilarni aktiv ijodiy faoliyatga jalb etdi!.. 
— E’tibor bermang, Klara Xodjaevna, — dedi raisimiz. — Momolar o‘qimagan-da. 
— Siz momaylar gapiga quloq solmang, o‘rtoq Jamoliddinov! — dedi Ideologiya. — Mehnatni 
ijtimoiy ish deb, davlat ahamiyatiga ega bo‘lgan ish deb, sharafli ish deb bilish, mehnat unumdorligini 
tinmay oshirish, sotsialistik mulkni avaylab-asrash, sovet kishisining ongliligini, unilg olijanob 
ma’naviy qiyofasini, uning kommunizm ishiga sodiqligini ko‘rsatuvchi eng asosiy fazilatdir, mehnatni 
mensimaslik, parazitizm jamiyatga zid hodisadir, odamning odam tomonidan ekspluatatsiya qilinishi 
tamomila yo‘qotilgan va mehnat o‘zi uchun qilinadigan, o‘z baxti uchun, hammaning baxt-saodati 
uchun, sotsialistik jamiyat foydasiga qilinadigan mehnat bo‘lib qolgan sotsializm sharoitida esa bu hol 
xalqqa butunlay zid holdir, Bizning jamiyatimizda tekinxo‘rlar va dangasalarga o‘rin bo‘lmasligi 
kerak!.. 
Davolandim-davolandim — binoyiday turib ketdim.