Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
57
 
26
Ay, bir ayolimiz bor-da, ay, bir ayolimiz bor-da! 
Bir vaqtlar suqsurday-suqsurday qiz edi! Bir vaqtlar chikkabel-chikkabel qiz edi! 
Men ko‘nglim ketib-ko‘nglim ketib sovchi qo‘yib edim. 
Ming qilsa-da, xolamizni qizi-da —darrov ha, deya qolib edi. 
Men mana bunday to‘ynoma tarqatib-tarqatib to‘y qilib edim: 
Atirgul hidlari olamga ketdi,
Quvnoq yoshligimiz voyaga yetdi.
Hatto tengdir bo‘yimiz bo‘yga,
Sizlarni taklif etamiz to‘yga! 
To‘yimizdan buyon ayolimiz uni olib ber-buniolib ber, demaydi. Desa-da, birovni oldida demaydi. 
To‘shakda aytadi! Qo‘ynimga kirib aytadi! 
Oldin, silab-siypalaydi. So‘g‘in, suyib-erkalaydi. 
— O‘-o‘y, juhudi atlas olib bersin, — deydi. 
— Juhudi atlas otliqqa yo‘g‘-u. 
— Bor ekan. Chori mudir Dushanbadan olib kelibdi. Uyida yashirib sotayotgan emish. 
— Bir jo‘rasi qanchadan ekan? 
— Bir jo‘ra atlas ikki yuz so‘m ekan. 
— Uh-o‘-o‘... 
— Ko‘p entikmasin, atlas qo‘lda o‘zi shuncha turadi. Rais ayoliga olib beribdi. 
— Rais o‘z oti o‘zi bilan rais-da. Men bir dehqon bo‘lsam. 
— Bu kishi kimdan kam? Brigadir degich oti bor. Bir jo‘ra atlasni kuchay olmasa, brigadir bo‘p 
nima qilib yuribdi? 
— O‘ynab qo‘yay, brigadnr degich otdan, o‘ynab qo‘yay. Brigadir bir dehqon-da. 
— Shu, raisni ayoli juhudi atlas kiyadigan ayolmi? Beti qop-qora — otashkurakday! Shugina 
juhudi atlas kiyganda, menga nima qilibdi? 
— Bo‘ldi, ko‘p g‘ingshima, bolalar uyg‘onib ketadi. 
— Olib bermasa, olib bermasin!..
Ayolimiz shunday deya, chappa burilib oldi. Bunday vaqtda yo‘q deb bo‘ladimi?.. 
 
27 
Ertasi idora bordim. 
— Ikki yuz so‘m... 
Kassir betimga qayrilib-da boqmadi. Kassir cho‘tdan ko‘z olmadi. 
— Pul yo‘q! — deya shiq-shiq cho‘t qoqdi. 
— Juda zaril edi. 
— Shu, o‘qimaganligingga borasan-da, Dehqonqul. Pul yo‘q deyapman-ku, Mana, ishonmasang 
po‘lat sandiqqa qara. Po‘lat sandiqda pul bo‘lmagandan keyin, qaerdan beraman? 
— Butun bir boshli kolxozda-ya. 
— Butun boshli kolxozda pul zavodi yo‘q, Dehqonqul, pulni davlat beradi. Davlat esa pul 
bermayapti. Chekanka vaqtida beramiz, deyapti. 
— Chekanka? Chekankani pulga nima daxli bor? 
— O‘qimagansan-da, Dehqonqul, o‘qimagansan. Hozir dalada ish qo‘qigan vaqt. Davlat hozir pul 
bersa, kolxozchi kam-ko‘stimni tuzatayin deb, bozorma-bozor chopadi. Dalada ish qolib ketadi. 

---

Tog‘ay Murod. Otamdan qolgan dalalar (roman)