Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
59
BYeShINCHI BOB 
 
1 
Men qoziqdan saraton telpagimni oldim. 
Telpagimni tizzamga urib-urib qoqdim. 
Saraton telpagimdan oppoq-oppoq chang qo‘qidi. Telpagimdan mayda-mayda jonivor tushdi. 
Jonivorlar g‘imir-g‘imir o‘rmaladi. Jonivorlar gilam ostilab-gilam ostilab panaladi. 
Saraton telpagim olachalpak jun-olachalpak jun bo‘ldi — junlarini saraton to‘kib-to‘kib tashladi. 
Saraton telpagim g‘ozsiz-g‘ozsiz bo‘ldi — g‘ozlarini saraton kuydirib-kuydirib tashladi. 
Oqibat — saraton telpagim yag‘ir-yag‘ir bo‘lib qoldi. 
Men ana shu saraton telpagimni bosib-bosib kiyib oldim. 
2
Havo mo‘‘tadil-mo‘‘tadil keldi. 
Dalalarim beti tarang-tarang bo‘ldi. 
Dalalarim osti bilinar-bilinmas g‘imir-g‘imir etdi. 
Dalalarim ostida ko‘rsichqon qimirlamishday bo‘ldi. Dalalarim ostida chuvalchang 
o‘rmalamishday bo‘ldi. 
Dalalarim beti sochday-sochday yorildi. 
Dalalarim... bolaladi! To‘qqiz kun-u, to‘qqiz soatda bolaladi! 
Pushtalarda to‘p-to‘p maysalar nish berdi. Pushtalarda ko‘k-ko‘k maysalar nish berdi. 
Dalalarim bag‘ri to‘ldi. Dalalarim bag‘ri butun bo‘ldi. 
Meni bag‘rim dalalarimdan-da butun bo‘ldi. 
3
Maysalarim o‘n besh kunlik bo‘ldi. Ushbu kunda maysalarim chinbarg yoydi. Chinbargdan tobinan 
maysalarimni chin oti bilan atar bo‘ldim.
G‘o‘za! 
 
4
O‘zingnikidan qiz olma, demishlari haqqost chin bo‘ldi. 
Ayolimizga qattiq-quruq gapirib bo‘lmadi. Gapirayin dedim — tilim bormadi. Xolamizni qizi-da 
— bo‘lamiz-da! 
Gapirmayin dedim — erkak erkak-da, tag‘in bo‘lmadi. Bir og‘iz gapirdim— ayolimiz onamizni 
pinjiga tiqilib o‘tirib oldi. Onamizdan beri kelmadi. 
Imo etsam-da kelmadi, ishora etsam-da kelmadi. Ovozimni balandlatdim — onamizdan gap 
eshitdim: 
— Kekirdagingni ko‘p cho‘za berma, oshingni yeyin! O‘ziniki-da, ming qilsa-da o‘ziniki-da — 
opasini qizi-da! 
Onamizdan panalatib-panalatib ayolimizga ko‘r-musht do‘laytirdim. Hali ko‘rasan, degan bo‘ldim. 
Muomala otangni qulimi, deydi. Muomala etdim — ayolimizni aylanib-o‘rgildim. Dalaga olib 
borib aylanib-o‘rgildim, daladan olib kelib aylanib-o‘rgildim. 
Ayolimiz borishda-da mazam yo‘q, dedi, kelishda-da mazam yo‘q, dedi. 

---

Tog‘ay Murod. Otamdan qolgan dalalar (roman)