Microsoft Word togaymurod otamdan qolgan dalalar lotin ziyouz com doc

15 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
68
G‘o‘zalarim tomiri girdida achchig‘ zax bino bo‘ldi. 
Achchig‘ zax g‘o‘zaga el bo‘lmaydi. Achchig‘ zax g‘o‘za tomirini chiritib-chiritib tashlaydi. 
Men darhol g‘o‘zalarimga suv berdim. 
Achchig‘ zaxni suv bilan quvib-quvib haydadim. 
G‘o‘zalarim tomiri ozod-ozod nafas oldi. G‘uzalarim tomiri yoyilib-yoyilib rohat oldi. 
16 
Qosh qoraydi. 
G‘o‘za bilan yovvoyi o‘t farqiga borib bo‘lmay qoldi. 
Ana shunda ayollarga javob berdim. Ayollar birin-ketin qishloq yo‘l oldi. 
— Ertaga kun chiqmay kelinglar, salqinda ish unadi! — dedim. 
— Ertaga bozor-ku! — dedi birov. 
— O‘ynab qo‘yay, paxta bozorni biladimi! 
— Bu dunyodan dam nimaligini bilmay o‘tamizmi endi. 
— Dam olasan, pensiyaga chiq, pensiyani jaraq-jaraq olib, yeb yotasan! — dedim. 
Ayolimiz shiypondan bolasini olib kelib uzatdi. 
— O‘-o‘y, manavini oldiga o‘ngarib ketsin, oyog‘imda oyoq qolmadi, — dedi. 
— Bor-e, men hozir idoraga ketaman, — dedim. Ayolimiz bolasini qaytib oldi. Jerkiy-jerkiy bag‘ir 
bosdi. 
Ayolimiz boshi uzra gumbaz tugun qo‘ndirdi. Ayolimiz bag‘ri aro qo‘shqo‘llab bola quchdi. 
Ayolimiz qishloq yo‘l oldi. 
Qo‘l-himosiz gumbaz havoda suzib yurmish shar misol qishloqladi. Qo‘l-himosiz gumbaz tugun 
ohista tebrana qishloqladi. 
Ayolimiz qo‘shqo‘llab-qo‘shqo‘llab bola qucha-qucha qishloqladi. 
Ayolimiz ayollar ashulasini ayta-ayta qshploqladi: 
— Ko‘rgan kunim qursin. 
 
17
Idoradan bir mahalda qaytdim. 
Eshagimni qantardim. To‘qimini olmadim. 
Pichadan so‘g‘in tong otadi — ishni ko‘paytirib o‘tirayinmi, dedim. 
Ichkarida oynaijahon ko‘rsatmay qolibdi. 
Bolalar burabdi-burabdi—oynaijahon buragichini sindirib tashlabdi. 
Men ombordan bilakday-ombir topib keldim. 
Ombir bilan oynaijahon buradim. O‘nglay-o‘nglay buradim. Chappalay-chappalay buradim. Qirr-
qirr buradim. 
Oynaijahon pir-pir etdi, oynaijahoi bijir-bijir etdi — ammo ko‘rsatmadi. 
Men bolalarni urishib-urishib tashladim. Birini qo‘yib birini so‘kib tashladim. 
— Otangni iligiga!.. — dedim. — Duppa-durust oynaijahonni buzgan otangni iligaga!.. 
Bolalar bir-biriga soldi: 
— Men emas, Qodir buzdi. 
— Birinchi Oysuluv buradi. 
— E, baring bir go‘r! — dedim. 
Men devor soat qaradim — soat o‘n ikkidan oshibdi. Oynaijahon ko‘rsatuvlari tamom bo‘libdi. 
Shunday bo‘lsa-da, bolalar oldida sir boy bermadim. 

---

Tog‘ay Murod. Otamdan qolgan dalalar (roman)