Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
69
— Boringlar, yotiiglar, — dedim. —Yaxshi o‘qisalariig, ertaga tuzatib beraman. 
Men ana qaradim-mana qaradim —taomdan darak bo‘lmadi. 
— Ay, vaqt bemahal bo‘ldi! — deya ovoz berdim. 
— Bemahal bo‘lsa nima qilayin? — dedi ayolimiz. 
— Biron nimang bormi? 
— Bor, endi pishadi. 
— Haliyam pishmadimi-e? 
— Shu vaqtgacha o‘ynab o‘tirganim yo‘q. Qozondan boshqayam tirikchiligim ko‘p. Xamir 
qordim... 
Sag‘al o‘tdi — ayolimiz bir korson piyova olib keldi. 
— Go‘shti yo‘q, go‘sht tamom bo‘ldi, — dedi. 
— Bizga bo‘la beradi, — dedim. — Qozon o‘zimizniki, qorin o‘zimizniki. Qorin to‘ysa bo‘ldi-da. 
— Endi, go‘shtni qaytadi? 
— Juma bozor kuni Norin qassob mol so‘yadi deyishayapti, shundan olamiz-da. 
Piyovadan so‘g‘in choy ichdim. 
Yenboshlab yotdim-yotdim — ko‘zim ilindi. Qancha yotdim — bilmadim. 
Bir mahal ko‘zimni ochdim — hovlida lovv-lovv olov o‘rladi. 
— Ay! — deya sapchib turdim. Ayolimiz zardob-zardob ovoz berdi: 
— Jonim, jonim?! 
— Ay, nima qilayapsan? 
— Tandir qizitayapman, nima edi?
Shundagina nima gapligini bildim. Nima deyishimni bilmadim. 
— Yotar vaqtiyam non yopadimi? — dedim. 
— Yotarda non yopmasa, go‘rda yopadimi?! 
 
18
Quruq beda yegich mol go‘ngi a’lo-a’lo go‘ng bo‘ladi! 
Quruq beda yegich mol peshobi serazot-serazot bo‘ladi! 
Men ulkan o‘raga ana shunday go‘ng to‘daladim. O‘ra bet-boshini sinchlab-sinchlab tuproqladim. 
O‘rada qolmish jonivorlar g‘imir-g‘imir bolaladi. Bir jonivor bir soatda o‘n besh-yigirma bolaladi. 
Bir jonivor bir kunda million-million bolaladi. 
Ana shu jonivorlar g‘imir-g‘imiridan go‘ng ich-ichlari aro havo kirib-chiqib turdi. Ana shu 
jonivorlar g‘imir-g‘imiridan go‘ng chirib-chirib turdi. O‘radan shiptir anqib-shiptir anqib qoldi. 
Men ana shunda xazinamni ochdim! 
Shiptir go‘ng bilan tuproq aralashtirdim. Peshma-pesh dala tashidim. 
Dadalarimni shiptir go‘ngladim. 
Dimog‘imda shiptir is o‘tirib-o‘tirib qoldi. 
Bir qadamda bir tupurib kun ko‘rdim. 
19 
Shoberdi baxshi cho‘zib-cho‘zib doston aytdi. 
Y
O 
radioda aytayapti, yo oynaijahonda aytayapti, deya o‘yladim. Qulog‘imni dingladim. 
— Ha, jo-on, juft bo‘lsin! — dedi odamlar. 
Bildim — Shoberdi shu tevarakda aytayapti. Ohista ayolimizdan so‘radim. 
— Raisni qiziga sovchi keldi, — dedi ayolimiz. 
— O‘ynab qo‘yay, qizchi bo‘yi yetdimi-e? 

---

Tog‘ay Murod. Otamdan qolgan dalalar (roman)