Меҳнат муҳофазаси. Техника ҳавфсизлиги ва санитария гигиена қоидалари

Қайнатилган тухумли таомлар.
Т
ухумли таомлар тайёрлашда турлича иссиқлик ишлови берилади. Тухум озгина қайнатиб (всмятку), «халтачада» ва тўла қайнатилган ҳолда истеъмол қилинади.
Тухумни қайнатиш учун ҳар хил идишлар (сотейник, кастрюля ва хоказо) ишлатилади. 10 дона тухум учун 2,5 – 3 литр сув кетади. Қайнатилган тухумларни олиб устидан совуқ сув солинади, бунда тухум сариғининг ранги ўзгармайди ва пучоғи тезда ажралади. Илитилган (всмятку) тухум. Қайнатилган идишга тухум солинади, электр ўчоғининг четига қўйиб қайнатмасдан 80-90 0С ҳароратда 4-5 минут қиздирилади. Илитилган тухум ликопчаларга солиниб берилади. «Халтачада» ҳолатда пишириладиган тухум худди юқоридагидек 7-8 минут қиздирилади. Пиширилган тухум шўрвага, гренки билан сутли сардакка солиб узатилади. Тўла қайнатилган тухум 12 минут қиздирилади ва совуқ сув билан ювилади. Салатлар, суюқ ошлар, сардаклар, қийма тайёрлашда ва алоҳида таом сифатида фойдаланилади. Хом тухум устига совуқ сув қўйиб иссиқлик таъсирида қайнашгача олиб бориб қайнамасдан 20-30 минут қиздирилади. Қайнатилган тухум пишлоқ билан. Қайнатилган тухум тозаланади, майдаланади, ликопчага солинади, устидан майдаланган пишлоқ ва кўкат сепиб узатилади. Сутли сардакда гренкали тухум. Қайнатилган тухум тозаланади, идишга солинади, устига сут, туз, сариёғ солиниб, яхшилаб аралаштирилади.
Буғдой нонининг юмшок қисми олиниб саригёғда қовурилади ва ликопчага солинади. Тухум айлана шаклда кесилади ва устига иссиқ сутли сардак солинади. Узатишда устида кўкат сепилади. Тухумли бўтқа. Идишга тухум (хом), сут, туз, сариёғ солиб яхшилаб аралаштирилади. Тухумли аралашма идишга солинади, сув ҳаммомида 20 минут аралаштирган ҳолда қайнатилади (700С ҳароратда). Тайёр бўтқа қуюқроқ консистенцияли кўринишда бўлади. Иситилган товокчага тоғча шаклида тухум бўтқаси солиниб, устидан кўкат, майдаланган пишлоқ сепилади, атрофига қовурилган гренки (ок нондан) териб узатилади. Таомни кўк нўхат ёки қайнатилган рангли карам билан ҳам узатиш мумкин.