Matematikanı oqıtıw teoriyası ha’m metodikası Lektsiya №1 Matematikanı oqıtıw metodikası predmeti, pa’n iretinde onın’ rawajlanıwı. Oqıw predmeti iretinde onın’ mazmunı ha’m maqseti reje

1. Jan’a oqıw materialın u’yreniw sabag’ı:
Bunday tu’rdegi sabaqlardın’ maqseti material mazmunın u’yreniw ha’m o’zlestirip alıw. Bunda oqıwshılar jan’a tu’siniklerdi u’yreniwge, o’z betinshe ileniwge, didaktikalıq wazıypalardı orınlawg’a a’detlendiriledi.
Bunday tu’rdegi sabaqlar orta ha’m joqarı klass oqıwshıları menen o’tkiziledi, sebebi ol klasslardag’ı oqıw materialları ko’lemi jag’ınan u’lken boladı. Bunday sabaqlardı lektsiya, sa’wbetlesiwler, ta’jiriybe ha’m sınawlar tu’rindede o’tkiziw mu’mkin.
2. Bilim, ko’nlikpe ha’m uqıplılıg’ın jetilistiriw: sabaqları
Bunday sabaqlarg’a to’mendegi didaktikalıq wazıypalar tiykar etip alınadı:
- jan’adan o’zlestirilgen bilimlerdi sistealastırıw ha’m ulıwmalas tırıw
- o’zlestirilgen bilimlerdi ta’kirarlaw ha’m bekkemlew
- o’zlestirilgen bilimlerdi a’meliyatta qollana alıwı, teren’lestiriw, ken’eyttiriw.
- ko’nlikpe ha’m ukıplılıqlardı qaliplestiriw.
- jan’a o’zlestirilgen bilim, ko’nlikpe ha’m uqıplılıqlardı qadag’alawg’a alıw.
Bul tu’rdegi sabaqlar ja’ne bir qansha tu’rlerge bo’linedi:
- o’zlestirilgen bilimlerdi bekkemlew
- o’zlestirilgen bilim ha’m uqıplılıqlardı kompleks qollaw sabaqla rı
- ko’nlikpe ha’m uqıplılıqlardı qaliplestiriwshi sabaqlar
Joqarıda keltirilgen sabaqlardın’ ja’ne to’mendegi tu’rleride bar:
- Laboratoriya sabaqları,
- A’meliy shınıg’ıw sabaqları,
- Ekskurtsiya sabaqları,
- Seminar sabaqları .
3.Ulıwmalastırılg’an ha’m sistemalastırılg’an sabaqlar
Bul tu’rdegi sabaqlar to’mendegi eki didaktikalıq wazıypanı sheshiwge qaratılg’an:
1.Oqıwshılar teoriyalıq bilimlerdi qay da’rejede o’zlestirgenligi
2. O’zlestirilgen bilimlerdin’ en’ kerekli jerleri.
Bul eki jag’day predmet boyınsha iyelegen ko’nlikpe ham uqıplılıqlardı, bag’darlama talapları ha’mde standart tiykarında sherek, yarım jıllıq, jıllıq o’zlestiriw na’tiyjelerin ko’rsetedi.
4.Kombinatsiyalasqan sabaqlar.
Bunday tu’rdegi sabaqlar a’meliyatta ken’ qollanıladı. Bunday sabaqlarda joqarıda keltirilgen u’sh tu’rdegi didaktikalıq talaplardan paydalanıladı. Sonlıqtan, bunday sabaqlardı kombinitsiyalasqan sabaq dep ataydı.
Bunday tu’rdegi sabaqlarg’a metodikalıq qatnaslar joqarıda keltirgenimizdey ko’riniske iye:
- sabaqta oqıwshı xızmetin sho’lkemlestiriw
-ta’kirarlaw, oqıwshı biliminin’ terenligi ha’m burın o’tilgen sabaqlardı qay da’rejede o’zlestirgenligi
- oqıwshının’ bilimler haqqındag’ı pikirleri ha’m an’lı o’zlestirgenligi
- u’yge tapsırma ha’m onı durıs orınlaw boyınsha tu’sinik beriw
-oqıwshılardın’ o’zlestirgenlik da’rejesin sabaq waqtında bahalap barılıwı.