Matematikanı oqıtıw teoriyası ha’m metodikası Lektsiya №1 Matematikanı oqıtıw metodikası predmeti, pa’n iretinde onın’ rawajlanıwı. Oqıw predmeti iretinde onın’ mazmunı ha’m maqseti reje

1. Oqıtıw metodları
a) monologiyalıq b) dialogik v) ko’rsetpelilik g) evrestikalıq d) tekseriw e) algoritmlik j) bag’darlamalastırılg’an
2. U’yreniw metodları: a) orınlawshılıq b) reproduktiv v) izleniwshilik g) a’meliy
3. Sabaq beriw metodları: a) xabarlardı bayan etiw b) tu’sindiriw v) stimullastırıw g) aktivlestiriw d) mashqalalı e) bloklı-modelli metodlar bolıwı menen birge sabaq beriw protsesinde jan’a (binar) metodlardan da paydalanıladı. Matematikanı oqıtıwda metodikalıq struktura,o’tilgenlerdi ta’kirarlaw, aktivlestiriw , eski bilimlerdi jan’a bilim da’rejesine almastırıw, jan’a bilimlerdi bekkemlew, jan’a ha’m eski bilimlerdi baylanıstırıw, u’yge tapsırma beriw usag’an strukturalar qaralsa bul struktura matematika oqıtıwshısının’ jumıs xızmetin belgili da’rejede ta’rtipke salıwı menen birge onı o’zinin’ u’stinde islewge bolg’an juwapkershiligin arttıradı. Matematikanı oqıtıwda ha’r tu’rli texnologiyalardan paydalanıwg’a tuwra keledi. Texnologiya so’zinin’ Texnos-o’ner, logos-pa’n degen mag’ananı an’latıwı tikkeley texnologiyanı o’ner pa’ni mazmunında bolatug’ınlıg’ın tu’sinemiz. Texnikada texnologiya dep-belgili waqıt ishinde miynet quralları ja’rdeminde miynet qurallarınan paydalanıp o’nimnin’ tez ha’m sapalı jaratılıwına aytıladı. Pedagogikalıq texnologiya- bul oqıtıw u’yretiw quralları ja’rdeminde oqıwshıg’a ta’sir etiw tiykarında onın’ adamgershilik sanasın o’zgertiw yamasa rawajlandırıwg’a aytıladı degen anıqlama sırt el kitaplarında keltirilgen.Biraq sol oqıtıw ha’m u’yretiw qurallarının’ barlıq waqıt tabılıwı ha’m kerekli orında paydalanıwı sol oqıtıw ha’m u’yretiw texnologiyalarının’ jobalastırılıwı ha’m onın’ na’tiyjeli isleniwin ta’miyinlewi barlıq waqıtta o’nimli orınlawın a’melge asırıw qıyın.
Sonlıqtan oqıtıwshı ha’r bir jobalastırılg’an texnologiyanı pedagogikalıq injenariya ko’z qarasınan puxta du’zilgen bolıwın ha’m metodikalıq, didaktikalıq talaplarg’a juwap beriwin ha’r dayım qadag’alap barılıwın talap etedi. Ma’selen, akademiyalıq litseylerdin’ oqıw bag’darlamalarının’ birinshi kursında «Logarifm» tu’sinigin beriw teması oqıtıladı. Eger sol «Logarifm» teması ushın oqıtıw texnologiyasın jobalastırsaq onı to’mendegishe a’melge asırıw mu’mkin: ko’rsetkishli funktsiya ha’m onın’ qa’siyetleri, ko’rsetkishli ten’leme ha’m onın’ tu’rleri a^x =b, a>0, a≠1, b>0,haqqındag’ı pikirlerdi qaytalaw. Bul o’tilgenlerden paydalanıp jan’a temag’a oqıwshılardı tayarlaw ha’m (a^x =b, a>0, a≠1, b>0 x=Iog _a b). Jan’a tema logarifmge anıqlama beriw a^x=b  x=Iog _a b yamasa a nı b g’a ko’teriw kerek bolg’an da’reje ko’rsetkishi ekenin tu’sindiriw. Iog _a b nı ratsional ha’m irratsional san bolıw jag’dayların u’yretiw. a^Iog _ab=b formulasın payda etiw menen birge basqada formulalardı u’yretiw. Bul temanı bekkemlewshi mısallardan u’lgiler keltiriw, u’yge tapsırma beriw.Bul keltirilgen izbe-izlik o’zine sa’ykes oqıtıw texnologiyasın payda etiw menen birge sol temanın’ oqıwshılar yadında uzaq u’aqıt saqlanıwın itibarg’a alg’an jag’dayda bir neshe qag’ıydalar keltirilip shıg’arıladı, oqıwshılar bul qag’ıydalar ha’m formulalar tiykarında ha’r tu’rli logarifmlik an’latpalar u’stinde birdeylik tu’rlendiriwlerdi orınlay alıw imkaniyatına iye boladı. Ulıwma klass sabaq sisteması tiykarında oqıwshılarg’a bilim beriw protsesi na’tiyjeli o’tiwi ushın oqıtıwshının’ qaysı metodlar izbe-izligin tan’lawına yamasa en’ na’tiyjeli oqıtıw texnologiyasın jobalastırıwına baylanıslı ekenligin ko’riw mu’mkin.