Matematikanı oqıtıw teoriyası ha’m metodikası Lektsiya №1 Matematikanı oqıtıw metodikası predmeti, pa’n iretinde onın’ rawajlanıwı. Oqıw predmeti iretinde onın’ mazmunı ha’m maqseti reje

Tekseriw ushın sorawlar
1. Matematikanı oqıtıwdın’ ulıwma metodikası degenimiz ne?
2. Matematikanı oqıtıwdın’ arnawlı metodikası degen ne?
3. Matematikanı oqıtıwdın’ anıq metodikası degenimiz ne?
4.Ta’lim basqıshların aytıp berin’?
Tavsiya etilgan adabiyotlar
15. Karimov I.A. «Kadrlar tayyorlashning milliy dasturi», T. «O’zbekiston», 1997 yil
16. Alixonov S. «Geometriya darslarida umumlashtirish» T., «O’qituvchi», 1989 yil.
17. Alixonov S. « Matematika o’qitish metodikasi » Qayta ishlangan II nashri. T., «O’qituvchi»
1997 yil.
18. http://math59.narod.ru/
Matematika v shkole i VUZe - uchebnie materiali, normativnie dokumenti
Matematika dlya shkol`nikov, studentov i prepodavateley. Metodicheskie i didakticheskie
materiali. Kontrol`nie raboti po matematike.
19. http://www.math.ru/
Math.ru - materiali po matematike Biblioteka knig. Video lektsii. Dokumenti
Minobrazovaniya. Informatsiya o matematikax. Istoricheskie syujeti.
1.1 Matematikanı oqıtıwdı sho’lkemlestiriw formaları. Klass sabaq sisteması.
Reje:
1. Matematikanı oqıtıwdı sho’lkemlestiriw metodları
2. Klass sabaq sisteması ha’m onın’ tu’rli ko’rinisleri.
Tayanısh tu’sinikler: Matematikanı oqıtıwdı sho’lkemlestiriw metodları haqqında tu’sinik. Sabaq tu’rleri, oqıtıw metodları, sabaq beriw metodları ha’m klass sabaq sisteması, pedagogikalıq texnologiya, oqıtıw texnologiyası ha’m metodikalıq texnologiyalar haqqında tu’sinik.

1. Matematikanı oqıtıwdı sho’lkemlestiriw metodları
Ta’lim protsesinin’ jetiskenligi onın’ formasına g’ana emes, ba’lkim qollanılıp atırg’an metodlardın na’tiyjeliginede baylanıslı.
Ta’lim teoriyasında oqıtıw metodları oraylıq orınlardı iyeleydi.Ta’lim metodı ta’lim protsesinde oqıtıwshı ha’m oqıwshılardın’ anıq maqsetke erisiw ushın qaratılg’an birgeliktegi xızmetlerinin’ usılları.
Ta’lim metodları oqıtıwdın’ aldına qoyg’an maqsetlerine erisiw usulları ha’mde oqıw materialın teoriyalıq ha’m a’meliy qolaylastırıw jolların an’latadı.
Oqıtıw metodları ta’lim prtsesinde oqıtıwshı ha’m oqıwshı xızmetinin’ qanday bolıwı, oqıtıw protsesin qanday sho’lkemlestiriwi ha’m alıp barıw kerekligin ha’mde sol protseste oqıwshılar qanday is-ha’reketlerdi orınlawı kerekligin belgilep beredi.
Klass-sabaq sisteması tiykarın du’ziwshi klass-jası ha’m bilimi jag’ınan birdey bolg’an anıq oqıwshılar toparın; sabaq bolsa tikkeley oqıtıwshının’ basshılıg’ı ha’mde baqlawı astında anıq oqıwshılar toparı menen alıp barılatug’ın ta’lim protsesin an’latıwshı tu’sinikler.Sabaq- oqıw jumıslarının’ tiykarg’ı sho’lkemlestiriw forması bolıp esaplanadı.
Klass-sabaq sisteması to’mendegi mazmung’a iye:
1. Ha’r qanday klass jası ha’m bilim da’rejesi boyınsha birdey bolg’an oqıwshılardın’ toparına iye boladı.
2. Sabaq protsesi tikarınan 45 minut (yamasa bir akademiflıq saat 80 minut) dawam etip, tastıyıqlangan keste tiykarında alıp barıladı.
3. Sabaq oqıtıwshı ha’m okıwshılardın’ xızmeti birligine tiykarlang’an bolıp, tikkeley oqıtıwshı basshılıg’ında alıp barıladı.
4. Sabaq o’tilip atırg’an ha’m o’zlestirilip atırg’an materialdın’ mazmunına qaray tu’rli metodlar ja’rdeminde alıp barıladı ha’mde ulıwma ta’lim sistemasının’ bir bo’legi iretinde, a’lbette na’tiyjeli bilim beredi ha’m keyingi bilimlerdi o’zlestiriw ushın tiykar jaratıwg’a xızmet etedi.
Bu’gingi ku’nde sabaqlardı sho’lkemlestiriwge to’mendegi didaktikalıq talaplar qoyılmaqta:
1. Sabaqtın’ maqseti ha’m wazıypalarının’ anıqlıg’ı ha’mde pedagogikalıq jaqtan durıslıg’ı.
2. Sabaqtın’ ta’limiy, ta’rbiyalıq ha’m shaxstı rawajlandırıwshılıq wazıypalarının’ birligi ha’m u’zliksizligi.
3. Oqıtıwdın’ pu’tin sabaq ha’m onın’ belgili bo’leklerinin’ wazıy paları xa’mde mazmunına muwapıq keletug’ın, oqıwshılardın’ biliwge bolg’an aktivliligi ha’m o’z betinshe xızmetlerin tamiyinlewge xızmet etiwshi metodlardı tan’law.
4. Sabaqlardı tu’rli formalarda o’tiw
5.Oqıtıwshının’ basshılıq roli menen oqıwshılardın’ aktiv biliw xızmetin birge alıp barıw.
6. Sabaqlardın’ o’zara u’zliksiz ha’m dialektikalıq qa’siyetlerge iye bolıwına erisiw.
7.Oqıwshılardın’ jas ha’m psixologiyalıq jag’dayların esapqa alıw.
8 Sabaqta okıwshılardı oqıtıw ha’m ta’rbiyalaw ushın qolay sharayatlar jaratıw.
9.Sabaqlardı demokratiyalıq printsipler tikarında sho’lkemlesti riw.
10. Sabaqta oqıwshı erkinligin ta’minlewge erisiw.
Ulıwma bilim beriw mektepleri,akademiyalıq ha’m kollejlerde tiykarınan klass sabaq sisteması , ayırım baslawısh o’ner ta’lim mekteplerinde ha’mde ayırım kollejlerde ustaz-sha’kirt sisteması isletiliwi mu’mkin. Biraq birinshi tu’rdegi sistemada tiykarınan o’tilgenlerdi tez-tezden ta’kirarlaw, jan’a tu’siniklerdi ha’m alıng’an bilimlerdi qa’liplestiriw, ko’nlikpe ha’m qa’niygelerdi qollanıw ha’m qa’liplestiriw didaktikalıq sistemasınan paydalanıladı. Bul didaktikalıq sistemanı a’melge asırıw ushın to’mendegi sabaq tu’rleri qollanıladı.
1. Jan’a oqıw materialın u’yreniw sabag’ı:
a) lektsiya sabag’ı
b) sa’wbetlesiw sabag’ı
v)teoriyalıq ha’m a’meliy oqıw materialın o’z betinshe u’yreniw sabag’ı
g) aralas sabaq
d) kino sabag’ı
2. Bilim, ko’nlikpe ha’m qa’niygeni jetilistiriw sabag’ı
a)Reproduktiv o’z betinshe islew sabag’ı
b) laboratoriya sabag’ı
v)a’meliy sabaq
g) ekskurtsiya sabag’ı
d) seminar sabag’ı
3.Ulıwmalastırıw ha’m sistemalastırıw sabag’ı
4.Kombinatsiyalasqan sabaqlar.
5. Bilimdi qadag’alaw sabag’ı
a) awız eki soraw
b) jazba jumıs o’tkeriw sabag’ı
v) zachyot sabag’ı (reytingini anıqlaw)
g) aralas sabaq