М. Марупова, Р. Акбаров, Г. Мирзахмедова “фармакогнозия”

3. Иш учун керакли асбоб-ускуна ва реактивлар: 
электр плита, 250, 
100 мл конуссимон колбалар, фенофталиен эритмаси, шиша таѐқча, 
томизғич, турли мойларнинг спиртдаги эритмалари, концентрланган сульфат 
кислота, пахта, кунгабоқар, зиғир, бодом, канакунжут ва маккажўхори 
ѐғлари. 
4. Ишни бажариш тартиби:
а) Совуқ ва иссиқ пресслаш усули билан олинган ёғларни 
фарқлаш. 
Тиббиѐтда асосан қиздирмасдан – совуқ усулда олинган мойлар 
ишлатилади. Бу ѐғлар исиқ пресслаш билан олинадиган ѐғдан қуйидаги 
реакция ѐрдамида фарқланади. Пробиркага 2-3 мл ѐғ солиб, унга 1 мл 
концентрланган сульфат кислота қўшилади. Ёғ иссиқ пресслаш йўли билан 
олинган бўлса, кислота қўшилгандан сўнг қорая бошлайди. Совуқ пресслаш 
усулида олингани эса ўзгармайди. Тажрибалар бир нечта ўсимлик ѐғларида 
олиб борилади ва натижалари жадвалга қайд этилади 
б) Ёғлар таркибидаги совун аралашмасини аниқлаш. 
Инъекция 
қилиш учун ишлатиладиган мойлар таркибида совун аралашмаси 0,01% дан 
ошмаслиги керак. 
Ҳажми 250 мл конуссимон колбага 50 мл сув ва 10 томчи 
фенолфталеин эритмасидан солиб 1 минут қайнатилади. Бу иссиқ 
аралашмага 5 г ѐғ солиб, яна 5 минут қайнатилади ва хона ҳароратигача 
совутилиб 10 томчи фенолфталеин қўшиб оқ қоғоз устида кўрилади. 
Колбадаги эритма рангсизлигича қолса унда совун аралашмаси йўқлигини 
ѐки 0,01% дан кўп эмаслигини кўрсатади. 
в) Канакунжут, бодом, шафтоли, зайтун, зиғир ва кунгабақор 
мойларининг кислота ва йод сони аниқлаш. Ёғлар константаларини 

---

26 
аниқлаш усуллари 
Бирикмаларнинг хоссаларини ифодаловчи турғун сонлар – шу 
моддаларнинг ўзгармас сонлари, яъни константалари деб аталади. Ёғларнинг 
константалари 2 га бўлинади: физикавий ва кимѐвий константаларга. 
Ёғларнинг физикавий константалари: 
ѐғларнинг солиштирма 
оғирлиги, эриш ва қотиш температураси, рефракция сони, ѐпишқоқлиги, 
эрувчанлиги ва бошқалар. 
Ёғларнинг солиштирма оғирлиги (зичлиги) пикнометр, рефракция сони 
рефрактометр ѐрдамида аниқланади. 
Ёғларнинг кимѐвий константалари: 
кислота, совунланиш, йод ва эфир 
сони ва бошқалар.