Личинка хордалилар (Urochordata) ¸ки šобиšлилар (Tunicata) кенжа типи

3. Anomoselalar (Anomocoela) kenja turkumiga chesnochnitsalar (Pelo-bates), butli baqalar (Pelodytes) va bir nechta ekzotik baqalar kiradi. Bularning umurtqalari prosel tipda, ya`ni oldingi tomoni botiq, keyingi tomoni bo`rtib chiqqan bo`ladi. Erkin qovurg’alari yo`q. Anomoselalar Yevropa, Osiyo hamda Shimoliy Amerikada tarqalgan.
4. Protselalar (Procoela) kenja turkumi vakillarining umurtqalari protsel tipda tuzilganligi, qovurg’alarining yo`qligi, dumg’aza hamda urostil orasida juft birikuvchi bo`rtmasi borligi bilan xarakterlanadi. Bu kenja turkumga haqiqiy qurbaqalar (Bufonidae), kvakshalar, ya`ni quruldoq baqalar (Hylidae) va daraxtlarda yashovchi kaltaboshlar (Brachycephalidae) oilalari kiradi.
Haqiqiy qurbaqalar (Bufonidae) oilasiga 365 ta tur kiradi, ular, asosan quruq yerlarda yashaydi, kunduzi soya-salqin joylarda yashirinib, kechasi faol ov qiladi. Qurbaqalar terisining ustki qavati birmuncha muguzlashgan. Ko`pchilik turlari suvga uvildiriq tashlaydi. Avstraliya qurbaqasi-psevdofrina uvuldirig’ini nam joylarga qo`yadi. Janubiy Amerika qurbaqasi-aganing uzunligi 25 sm gacha boradi uvildirig’ini toshlar ostiga yoki tuproqqa ko`mib qo`yadi. Ularning tuxumi sariqlikka boy bo`lib, bu tuxumlardan to`la shakillangan qurbaqalar chiqadi. Janubiy Amerikaning mahalliy aholisi aga qurbaqasi zaharini o`q yoylarga surishgan. Janubiy va o`rta mintaqalarda oddiy qurbaqa (Bufo bufo) va yashil qurbaqa (B.virides) tarqalgan. Ikkala tur ham uvildirig’ini suvga tashlaydi.
O`zbekistonda yashil qurbaqa aholi yashaydigan joylarda, daryo vodiylarida va tog’li hududlarda uchraydi. Uni Qizilqumdagi quduqlar yaqinida ham uchratish mumkin. Yashil qurbaqa issiq va yorug’ yoz kunlari yerdagi kovaklar, kemiruvchilar ini yoki yerto`lalarda yashirinib yotadi, qorong’i tushishi bilan ovga chiqadi. Erta bahor va yoz oylarida kechqurunlari hammayoqdan ularning qurillagan ovozini eshitish mumkin.
Qurbaqalar bahorda ko`lmak va hovuz suvlariga shoda marjon shakldagi uvildiriqlarini tashlaydi. Bitta urg’ochi qurbaqa 10-12 minggacha tuxum qo`yadi. Tuxumdan chiqqan itbaliqlar bir necha hafta ichida yosh qurbaqaga aylanadi va suvdan chiqib turli tomonga tarqalib ketadi. Ular zararkunanda hasharotar va shilliq qurtlarni yeb qishloq ho`jaligiga foyda keltiradi.