Actiniaria dengiz boʻshliqichlilari turkumi; marjon-poliplar sinfi olti nurlilar kenja

---

Aktiniyalar
Aktiniyalar (Actiniaria) – dengiz boʻshliqichlilari turkumi; marjon-poliplar sinfi olti nurlilar kenja
sinfiga mansub. Koʻpchilik turlari yakka yashaydi. Tanasi silindr shaklida, yor-qin rangli,
kundalang kesimi bir necha mm dan 1,5 m gacha, pastki yassi tomoni tovon deyiladi. A. muskulli
tovoni yordamida sekin harakatlanishi mumkin. Ayrim turlari suv tubiga yopishib yoki qumga
koʻmilib olib harakatsiz yashaydi, suzib yuradigan turlari ham ma’lum. Ta-nasining yuqori uchida
juda koʻp paypas-lagichlar bilan oʻralgan ogʻzi joylashgan. A. yirtqich, mayda umurtqasizlar, hatto
mayda baliqlar bilan oziqlanadi. Oʻljasini otuvchi hujayralar bilan qurollangan pay-paslagichlar
yordamida falajlaydi yoki oʻldiradi. Otuvchi hujayralari zahari odam terisini ham kuydirib, ogʻriq
paydo qilishi mumkin. Jinsiy va jinssiz – boʻyiga yoki koʻndalangiga boʻlinish orqali kupayadi.
1500 ga yaqin turi Orol va Kaspiy dengizidan boshqa barcha dengizlarda tarqalgan. Koʻpchilik
turlari zohid qisqichbaqalar va boshqa umurtqasizlar bilan simbioz yashaydi.
OʻzME
. Birinchi jild. Toshkent, 2000-yil
Ko‘proq o‘rganish
Ushbu maqolada 
Oʻzbekiston milliy ensiklopediyasi
 (2000-2005)
maʼlumotlaridan foydalanilgan.
Adabiyotlar

---

 
Soʻnggi tahrir 6 oy avval
 
MalikxanBot
 tomonidan amalga oshirildi
Ushbu maqola 
chaladir
. Siz uni 
boyitib, (https://uz.wikipedia.org/w/index.php?title=Aktiniyalar
&action=edit)
 
Vikipediyaga
 yordam berishingiz mumkin. 
Bu andozani 
aniqrogʻiga
almashtirish kerak.
"
https://uz.wikipedia.org/w/index.
php?
title=Aktiniyalar&oldid=2400247
" 
dan olindi 

---