Kurs ishining umumiy tavsifi I. Bob. Og’ir nutq nuqsoniga EGA bo’lgan bolalarni psixologik jarayonlarini o’rganish

Diqqatini rivojlantirishga qaratilgan o‘yinlar.
Maqsad: Bolalarda eshituv diqqatlarini rivojlantirish. Bolalarni tovushga taqlid qilishni eshitib, qaysi o‘yinchoq shunday ovoz chiqarishini aniqlashga o‘rgatish.
«Top nima qichqiryapti?» o‘yini.
O‘yinning qisqacha mazmuni: Logoped oldindan tayyorlab qo‘ygan o‘yinchog‘ini bittadan olib, uni bolalarga ko‘rsatadi, ovoziga taqlid qiladi va bolalardan bu qaysi hayvonning ovozi ekanligini so‘raydi. O‘yinchoqni bolalarga yashirgan joydan olib ko‘rsatishdan oldin ovozini taqlid qilib ko‘rsatadi va bolalardan «Topinglarchi, hozir bizga qaysi hayvon mehmon bo‘lib keladi» deb so‘raydi. So‘ngra tarbiyachi bir bolaga boshqa xonaga o‘tib, eshigini bir oz ochib qo‘ygan holda birma-bir hayvonning ovoziga taqlid qilishini aytadi, boshqa bolalar esa u qaysi hayvonning ovozi ekanligini topadilar.
O‘yinni 5-6 m arta takrorlash mumkin. Bolalarning diqqat bilan eshitishlarini kuzatib turish kerak.
«Qayerda chalindi?»
Faoliyatning maqsadi: Bolalarni tovush yo‘nalishini aniqlay olishga o‘rgatish, fazoviy mo’ljalni rivojlantirish. Bolalarda ma’lum ob’ektga eshituv diqqatini to‘play olish malakasini tarbiyalash.
Bolalar aylana shaklida o‘tirishadi. Logoped o‘yin boshlovchini tanlaydi. Boshlovchi o‘rtada (doira markazida) turadi. Logopedning signali bilan boshlovchi ko‘zini yumadi. Shu vaqt logoped bolalardan birontasiga qo‘ng‘iroqni beradi va chalishni taklif etadi. Boshlovchi ko‘zini ochmay, qo‘ng‘iroq ovozi kelayotgan tomonni qo‘li bilan ko‘rsatadi. Agar bola tovush kelayotgan tomonni to‘g‘ri ko‘rsatsa, tarbiyachi «bo‘ldi» deb aytadi va o‘yin boshlovchi ko‘zini ochadi, qo‘ng‘iroqni chalgan bola esa qo‘ng‘iroqni yuqoriga ko‘tarib, uni ko‘rsatadi. Agar o‘yin boshlovchi adashsa, yana bir marta qo‘ng‘iroq ovozi qayerdan kelayotganligini topish taklif etiladi. So‘ngra boshqa o‘yin boshlovchi tayinlanadi. O‘yin 4-5 minut takrorlanadi. O‘yin boshlovchi o‘yin vaqtida ko‘zini ochmasligi kerak, buni kuzatib borish lozim. O‘yin boshlovchi tovush kelayotgan tomonni qo’li bilan ko‘rsatib, shu tomonga burilishi kerak. Qo‘ng‘iroqni juda baland va past chalish kerak emas.