Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

Андоза бўйича режалаш, одатда, катта партиядаги деталларнинг заготовкаларини режалашда қўлланилади. Мураккаб шаклли андозаларни 0,5- 1 мм ли тешикли деталлар учун андозаларни 3-5 мм ли листлардан тайёрланади. Режалаш андозасини бўялган заготовкага қўйиб, контури бўйича чизиқ чизиб чиқилади, кейин кернланади. Тешикларни режалашда тешик андоза бўйича заготовкага чизгич билан чизилади.
Намуна бўйича режалаш андоза тайёрлаб олиш талаб қилинмаслиги билан фарқланади. Бу усул таъмирлашда кенг қўлланилиб, ўлчамлар ишдан чиқиб яроқсизланиб қолган деталларни ўзидан режаланадиган деталга кўчирилади.
Ўз жойида режалаш кўпинча катта деталларни бириктиришда қўлланилади. Масалан, металлнинг фазовий муносабат ва конструктив элементлари ўз жойида иккинчисига қараб режаланади.
Қалам билан режалаш материал тури билан фарқланади. Алюмин ва дюралюминларга чизма асбоблари тўпламини қўллаб, оддий қаламда режа туширилади. Дюрадюминга пўлат чизгич билан чизиб бўлмайди, чунки чизгич излари материалнинг ҳимоя қатламини шикастлаши занглаш ва емирилишга олиб келади.
Аниқ режалаш ишларни бажаришда асбобларнинг сифати (ўткирлиги, чизгичларнинг тўғрилиги) га эътибор бермоқ лозим. Дастлаб режаланадиган сиртлар яхшилаб тозаланади, сўнгра мисс кукуни эритмаси детал сиртига суртилади. Нозик режалаш ишларида бордан фойдаланиш мумкин эмас, чунки бор тез учиб кетиб, қўлни ва асбобларни ифлослантириши мумкин.
Нуқсонлар. Режаловчининг эътиборсизлиги ёки режалаш асбобларининг носозлиги туфайли заготовка режасининг чизмага тўғри келмаслиги, тажрибасизлик тахта сиртининг ифлослиги туфайли рейсмуснинг керакли ўлчамга нотўғри ўрнатилиши каби нуқсонлар режалашда кўп учрайди.

ФАЗОВИЙ РЕЖАЛАШ Режалаш учун мосламалар

Фазовий режалаш текисликда режалашдан бирмунча мураккаб, чунки заготовканинг турли текисликларида иш олиб боришга тўғри келади.

Режалашга киришишдан олдин заготовкани режалаш тахтасига ўрнатилади.
Бунинг учун призмалар, таянч қистирмалар, домкрат, режалаш қутиларидан фойдаланилади.