Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

М А Л А К А Т А Л А Б Л А Р И

Олий ва ўрта махсус таълим вазирлиги Ўрта махсус, касб-ҳунар таълими маркази
Халқ таълими вазирлиги
Умумий ўрта таълим муассасаларининг 10- ва 11-синфлари ўқувчиларини
касб-ҳунарга ўргатиш бўйича малака талаблари

Чилангар

касбига ўргатиш бўйича ўқувчиларнинг зарурий билимлар мазмуни ва амалий кўникмасига қўйиладиган
МАЛАКА ТАЛАБЛАРИ

Тошкент 2018 йил

1. 
   ИШЛАБ ЧИҚИЛГАН ВА КИРИТИЛГАН Олий ва ўрта махсус таълим вазирлиги Ўрта махсус, касб-ҳунар таълими маркази ва Халқ таълими вазирлиги.
   

2. 
   ТАСДИҚЛАНГАН ВА АМАЛГА КИРИТИЛГАН Олий ва ўрта махсус таълим вазирлиги Ўрта махсус, касб-ҳунар таълими марказининг 2018 йил 28 мартдаги 6/ққ-сон ҳамда Халқ таълими вазирлигининг 2018 йил 28 мартдаги 16 - сон қўшма қарори билан.
   

1. Қўлланилиш соҳаси

Мазкур малака талаби Чилангар касби бўйича 10- ва 11- синфлари ўқувчиларини касб-ҳунарга ўргатишнинг зарурий билимлар мазмунига ва амалий кўникмаларига қўйиладиган талаблар ва пировард мақсадларини аниқлайди. Касб ўрганувчиларнинг ўқув юкламалари ҳажми ва малака талабларининг бажарилиш назоратини белгилаб беради.
Малака талаблари касбга ўргатиш тайёргарлиги сифати ва даражасини баҳолашда асосий мезон ҳисобланади. Мазкур малака талабларининг бажарилиши Ўқув ишлаб чиқариш мажмуалари битирувчиларига касбнинг тегишли даражасини олганлиги тўғрисида давлат намунасидаги ҳужжат берилиши учун асос ҳисобланади.
Малака талаблари ўзининг идоравий бўйсуниши ва мулкчилик шаклларидан қатъий назар Ўқув ишлаб чиқариш мажмуалари томонидан тадбиқ этилиши мажбурийдир.

2. Норматив ҳужжатлар

Ўқув ишлаб чиқариш мажмуаларининг 10- ва 11- синфлари ўқувчиларини касбга ўргатиш бўйича малака талабини ишлаб чиқишда қуйидаги қонунлар ва норматив ҳужжатлар асос қилиниб олинди:

• 
  “Таълим тўғрисида” ги Ўзбекистон Республикаси қонуни;
  
• 
  “Кадрлар тайёрлаш миллий дастури тўғрисида”ги Ўзбекистон Республикаси қонуни;
  
• 
  Ўзбекистон Республикаси Вазирлар Маҳкамасининг “Узлуксиз таълим тизими учун давлат таълим стандартларини ишлаб чиқиш ва амалда жорий этиш тўғрисида” 1998 йил 5 январдаги 5-сон қарори;
  
• 
  Ўзбекистон Республикаси Вазирлар Маҳкамасининг 2017 йил 6 апрелдаги “Умумий ўрта ва ўрта махсус, касб-ҳунар таълимининг давлат таълим стандартларини тасдиқлаш тўғрисида”ги 187- сон қарори;
  
• 
  Ўзбекистон Республикаси Вазирлар Маҳкамасининг 2017 йил 24 октябрдаги 868-сон “Умумий ўрта таълим муассасаларининг 10-11синфлари ўқувчиларига касбий таълим беришга ихтисослашган ўқув-ишлаб чиқариш мажмуаларини ташкил этиш чора-тадбирлари тўғрисида”ги қарори;
  

3. Малака талабининг мақсад ва вазифалари

1. 
   Малака талабларининг асосий мақсади Чилангар касби бўйича сифатли касб ўргатишнинг мазмуни ва якуний мақсади талабларига тўғри келишини таъминлашдан иборат.
   
2. 
   Малака талабининг асосий вазифалари қуйидагилардир:
   

• 
  Чилангар касби бўйича касбга ўргатиш сифатига қўйиладиган зарурий талабларни белгилаш; ўқув режа ва ўқув дастурлар, битирувчиларга эгаллаган билим ва амалий кўникмаларини ўзлаштириш даражаларини назорат қилиш усуллари ва баҳолаш мезонлари тўғрисидаги норматив ҳужжатларни ишлаб чиқиш учун замин яратиш.