Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

Ц иркуллар айланаларни бўлишда ва геометрик шаклларни ясашда қўлланилади. Ундан ўлчагич асбоблардан ўлчамларни деталларга кўчиришда ҳам фойдаланиш мумкин.
Режалаш циркуллари оддий, ёйсимон ва пружинали
бўлиши мумкин. Оддий циркул шарнир усулида бириктирилган оёқчалардан иборат бўлиб, улар игнали ёки алмаштиргичли турларга бўлинади. Оёқчаларнинг керилиш катталиги винт билан созланади. Циркулда мослама циркул оёқчаларини 0,2 мм аниқликда ўрнатишга ёрдам беради.
Р ежалаш штангенциркулидан тўғри чизиқларни ўтказишда ва айлана марказини белгилашда фойдаланилади. Режалаш штангенциркули йўғонлашиб борувчи штангага ўрнатилган кескичдан иборат. Штанга бўйлаб нониусли рамка сурилади. Рамканинг пастки қисмига ўзи марказланувчи қисқичли нониус-тиргак ўрнатилган. Рамка микрометрик винт ёрдамида хомутга
бирикиб, штанга бўйлаб қўлда сурилади ва қисқич билан маҳкамланади. Рамканинг микрометрик сурилиши гайкани айлантириш орқали амалга оширилади.
Режалашдан аввал марказловчи таянчни тегишли базавий тешикка тўғриланади, сўнг режаланадиган деталнинг сиртига кескич ўрнатилади. Шундан кейин шайтон бўйича кескични тўхтагичли қисқич билан маҳкамлаб режалаш ишлари бажарилади.
Р ейсмус фазовий режалаш асбоби бўлиб, ундан горизонтал, вертикал ва параллел чизиқларни ўтказиш ҳамда деталнинг тахтага тўғри қўйилганини текширишда фойдаланилади. У чўян асос, вертикал штатив, чизгични ўрнатиш учун гайкали винт, игнани аниқ ўлчамда ўрнатиш учун маҳкамловчи винт ва планкалардан иборат. Детал ва заготовкаларни аниқ режалашда микрометрик бўлган рейсмуслар қўлланилади.
Режалашга тайёргарлик. Режалашга киришишдан аввал қуйидаги ишларни бажариш лозим:

• 
  заготовкани чанг, занг ва бошқа ифлосликлардан тозалаш;
  
• 
  заготовкани кўздан кечириш, қавариқ ёриқ ва бошқа нуқсонларни аниқлаш, уларни аниқ ўлчаш, режаланадиган детал чизмасини ўрганиш;
  
• 
  заготовка хусусиятларини, қўлланиш мақсадини аниқлаш, ўлчамларини топиш;
  
• 
  заготовканинг базавий сиртларини аниқлаш, сиртни бўяшга тайёрлаш керак.