Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

Иш бошлашдан олдин

• 
  иш кийимини кийиб, енгини шимариш ва тугмасини қадаш;
  
• 
  чилангарлик дастгоҳининг ишчи бўйига мослиги ва созлигини, гиранинг дастгоҳга мустаҳкам ўрнатилганини, айлантирувчи винтнинг гайкада эркин айлана олишини, гира жағларидаги чизиқ изларининг сифатини текшириш;
  
• 
  иш жойини тайёрлаш, иш учун керак бўлган майдонни бўшатиш, кераксиз нарсаларни дастгоҳдан олиб ташлаш;
  
• 
  зарур бўлган меъёрда ёритишни таъминлаш;
  
• 
  иш учун керак бўладиган асбоб ва мосламалар, материалларни тайёрлаш;
  
• 
  асбоблар созлигини (ўткирлигини) кўздан кечириш;
  
• 
  асбобларни текширишда болға, эгов ва шаберларнинг дастага мустаҳкам ўрнатилганлиги ҳамда дасталарда ёриқлар бўлмаслигига алоҳида эътибор бериш;
  
• 
  жиҳозларнинг созлиги ва ҳимоя тўсиқларини текшириш;
  
• 
  юкни юқорига кўтаришдан олдин кўтарувчи мосламаларнинг (блок, домкрат ва бошқ.), тормоз тизимларининг созлиги, кўтариладиган юкларнинг массаси юк кўтариш чегарасидан ошмаслигини текшириш;
  
• 
  юкни мустаҳкам пўлат симлар ёки ишончли занжирлар билан маҳкамлаш ва кўтариш;
  
• 
  юкни осиб қўйилган ҳолда қолдирмаслик, кўтариб қўйилган юк остида турмаслик, қўл билан тахлайдиган юкларнинг оғирлиги эркак ва аёллар учун ўрнатилган меъёрлардан ортиқ бўлмаслигини текшириш керак.
  

Иш вақтида

• 
  детални гира жағларига маҳкам қисиш, заготовкани қисиш ёки бўшатишда эҳтиёт бўлиш;
  
• 
  дастгоҳдаги қириндиларни фақат чўтка билан сидириб ташлаш;
  
• 
  зубило билан металл қирқишда қириндини хавфсиз зонага йўналтириш ва ҳимоя тўсинларидан фойдаланиш;
  
• 
  ҳимоя кўзойнагидан фойдаланиш;
  
• 
  носоз мосламалардан фойдаланмаслик;
  
• 
  иш кийимини бензин, керосин билан ифлослантирмаслик керак.
  

Ишдан кейин

• 
  иш жойини яхшилаб йиғиштириш;
  
• 
  асбоб ва мосламаларни ўз жойига қўйиш;
  
• 
  мойли латталарни махсус металл қутиларга солиб, қопқоғини ёпиш керак.