Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

3-МАВЗУ: Текисликда ва фазовий режалаш, режалаш усуллари, асбоблари ва мосламалар
Режа:

1. 
   Кириш
   
2. 
   Текисликда режалашда қўлланиладиган асбоблар
   
3. 
   Режалаш усуллари
   

4.Фазовий режалаш
5. Меҳнат ҳавфсизлиги

Кириш

Машина – механизм деталлари, заготовкаларига ишлов бериш механика ёки чилангарлик цехларида бажарилади. Ишлов бериш жараёнида металлнинг маълум қавати (қисми) олиб ташланади, натижада унинг ўлчами кичраяди.
Детал заготовкасига керакли ўлчамларда ишлов бериш учун сиртига чизиқ тортилади. Бу режалаш дейилади. Режалашда тайёрланаётган деталнинг контури заготовкадан ажратиб кўрсатилади. Бу ишни аниқ бажариш лозим, акс холда йўл қўйилган хато тайёрланган детални яроқсизлантиради. Режалаш асосан, кичик серияда, доналаб ишлаб чиқаришда қўлланилади. Корхона ва заводларда катта партияда детал ишлаб чиқаришда махсус мослама - кондуктор қўлланиши туфайли режалашга эҳтиёж қолмайди.
Деталнинг шаклига кўра, режалашнинг текисликда ва фазовий (ҳажмий) тури бор. Текисликда режалашда деталнинг сиртига берилган ўлчамларда пўлат чизғичлар билан из қолдирилади (кернланади).
Фазовий режалаш машинасозликда энг кўп тарқалган усул бўлиб, у текисликда режалашдан фарқ килади. Бу усулнинг мураккаблиги шундан иборатки, деталнинг ҳар бир сиртига чизиб чиқишдан ташқари, ҳамма текисликлардаги алоҳида режалар бир-бирлари билан ўзаро боғланади.
Текисликда режалашда қўлланиладиган асбоблар
Чизгич (игна) режаланадиган детал сиртига чизиқ туриши учун мўлжалланган бўлиб, У10 ёки У12
асбобсозлик пўлатидан тайёрланади. Яхши ишлов берилган пўлат сиртларни режалаш учун жез чизгичлардан фойдаланилади. Чизгичларнинг тўртта: юмалоқ бир учи букилган, чўнтак чизгич ва игнаси алмаштириладиган турлари бор.
Кернер (из қолдиргич) аввалдан белгилаб
қўйилган чизиқларга чуқурчалар тушириш учун хизмат қиладиган чилангарлик асбоби. Кернерлар легирланган ёки углеродли асбобсозлик пўлатидан (У7А, У8А, 7ХФ ёки 8ХФ) тайёрланади. Ишчи қисмига 15-20 мм узунликда термик ишлов берилади. Унинг қаттиқлиги РС3 40-45, ўрта қисми накатланади. Кернерларнинг оддий, махсус, пружинали ва электрда ишлайдиган турлари бор.