I кириш мавзу: Таълим тизимини бошқариш асослари фанининг мазмун – моҳияти ва аҳамияти

5. Олий таълим.
Халқ таълим тизимида муҳим ўрин эгаллаб, ижтимоий ва илмий тараққиётни белгилаб беради. Халқ хўжалиги ва маданиятининг турли соҳасини олий маълумотли мутахассислар билан таъминлайди. Республикада олий таълим ўз ичига университетларни, педагогика, қшлоқ хўжалиги, тиббиёт, иқтисод, юридик, политехника ва бошқа институтларни қамраб олади.
Олий таълим юқори малакали мутахассислар тайёрлашни таъминлайди.
Олий маълумотли мутахассислар тайёрлаш олий ўқув юртларида (университет, академиялар, институтлар ва олий мактабнинг бошқа таълим муассасаларида) Ўрта махсус, касб-ҳунар таълими асосида амалга оширилади.
Олий таълим икки босқичга:
Давлат томонидан тасдиқланган намунадаги олий маълумот тўғрисидаги ҳужжатлар билан далилланувчи БАКАЛАВРИАТ ва МАГИСТРАТУРАга эга.
БАКАЛАВРИАТ- олий таълим йўналишларидан бири бўйича пухта билим берадиган, ўқиш муддати камида тўрт йил бўлган таянч олий таълимдир.
Фуқаролар иккинчи ва ундан кейинги олий маълумотни шартнома асосида олишга ҳақлидирлар. (14 модда).
6. Олий ўқув юртларидан кейинги таълим.
Институт, университетлар учун юқори даражали илмий кадрлар тайёрлашни назарда тутади. Бу аспирантура, докторантура орқали амалга оширилади. Аспирантурага олий маълумотли, илмий тадқиқот ишларига мойил шахслар имтиҳон топшириб, танлов асосида қабул қилинади.
Диссертация ҳимоясидан кейин бундай шахсларга фан номзоди илмий даражаси берилади. Ўз соҳасида чуқур изланишлар олиб борган, монографиялар ёзган ва докторлик диссертациясини ҳимоя қилган шахсларга фан доктори илмий даражаси берилади.
Олий ўқув юртидан кейинги таълим жамиятнинг юқори малакали илмий ва илмий-педагогик кадрларга бўлган эҳтиёжларини таъминлашга қаратилгандир. Олий Ўқув юртидан кейинги таълим олий ўқув юртлари ва илмий тадқиқот муассасаларида (аспирантура, докторантура, адюнктура ва мустақил тадқиқотчилик) олиниши мумкин.
Илмий ва илмий-педагогик кадрларни тайёрлаш, илмий даражалар ва унвонлар бериш тартиби қонун ҳужжатларида белгиланади. (15 модда)