I кириш мавзу: Таълим тизимини бошқариш асослари фанининг мазмун – моҳияти ва аҳамияти

Ижрочилар: директор (ректор) ва унинг ўринбосарлари.
Педагогик кадрларни жой-жойига қўйиш ва вазифаларни тақсимлаш
Бунда ўқитувчилар юкламаси, синф раҳбарлиги, факультатив курслар ва тўгарак раҳбарлари, куни узайтирилган группаларнинг тарбиячилари, кабинет мудирлари, методик бирлашма раҳбарлари, ишнинг маълум участкаларига жавобгар кишилар белгиланади.
Ижрочилар: директор (ректор) ва унинг ўринбосарлари.

Методик ишлар ва ўқитувчилар малакасини ошириш

Бу бўлимда идеология иши алоҳида ўринни эгаллайди. Ўқитувчиларнинг сиртдан ўқиши, уларни қайта тайёрлаш, малакасини ошириш, метод бирлашмалар ва илгор тажриба таълим муассасалари ишлари, тажрибали ўқитувчиларнинг ёшларга муррабийлиги, ўзаро дарсларга кириш ҳам шу ерда режалаштарилади. Таълим муассасалари педагогика жамоасининг, таълим муассасалари кабинетининг методика ишлари, вазифалари, ўқитувчиларнинг таълим муассалараро бирлашмаларида, педагогик ўқишларда, методик конференцияларда, кўргазмаларда қатнашуви аниқланади, мустақил ўқиш мавзулари, иш тажрибасини умумлаштириш белгиланади. Ўқитувчиларни аттестация қилиш, ишлаб чиқариш натижалари ўтказиладиган вақтлар ва уларнинг мазмунлари бу бўлимда маълум ўрин эгаллайди.
Меҳнат ўқитувчиларининг кўпчилиги педагогик маълумотга эга бўлмаганлиги сабабли бу бўлимда меҳнат таълими ўқитувчиларига ёрдам кўрсатиш бўйича тадбирларни ёритиш мақсадга мувоффиқ бўлади.
Ижрочилар: директор (ректор) ва унинг ўринбосарлари.

Ўқув — тарбиявий жараёнга раҳбарлик қилиш

Режалаштиришнинг бу бўлими ўқув ва тарбия ишлари мақсадларини белгилашдан бошланади, сўнгра уларнинг бажарилишини таъминловчи тадбирлар кўрсатилади, Ўқув жараёни нормал бўлиши учун шарт - шароитлар яратиш бўйича чоралар; Ўқитиш техника воситаларни кабинетларга тақсимлаш ва кабинентларни дарслик фонди ва дидактик материаллар билан тўлдириш; дарслар, факультатив машғулотлар, тўгаракларнинг тематик режаларини тузиш; Ўқитувчиларнинг ўқув программаларини ва халқ таълими вазирлигининг норматив хужжатларини ўрганиши санаб ўтилади.
Ўқув — тарбия ишларини режалаштиришда: Ўз — ўзини идора қилувчи болалар органларини тузиш, Ўқувчилар, жисмоний - тарбия жамоасига педагогик ёрдам кўрсатиш бўйича, ўқишга онгли муносабатни тарбиялаш бўйича тадбирлар системаси; илмий жамиятлар, фанлар бўйича тўгараклар, деворий газета, оғзаки журналлар ва ҳоказоларни ташкил қилиш назарда тутилади.