I кириш мавзу: Таълим тизимини бошқариш асослари фанининг мазмун – моҳияти ва аҳамияти

7. Кадрлар малакасини ошириш ва уларни қайта тайёрлаш.
Кадрлар малакасини ошириш ва уларни қайта тайёрлаш касб билимлари ва кўникмаларини чуқурлаштириш ҳамда янгилашни таъминлайди.
Кадрлар малакасини ошириш ва уларни қайта тайёрлаш тартиби Ўзбекистон Республикаси Вазирлар Маҳкамаси томонидан белгиланади. (16 модда)
8. Мактабдан ва ўқув муассасалардан ташқари таълим.
Ўзбекистон Республикаси таълим тўғрисидаги қонуннинг 10 моддасига асосланган болалар ва ўсмирлар эҳтиёжларини, ҳоҳиш истакларини тўлароқ рўёбга чиқариш, уларнинг бўш вақтларини мазмунли ташкил этиш мақсадида давлат муассасалари, турли мулк шаклларига эга бўлган корхоналар, жамоат ташкилотлари илмий-бадиий, табиий, техник, спорт ва бошқа йўналишларга мактабдан ташқари таълим муассасалари ташкил этилиши мумкин. Бундай муассасаларнинг иш фаолияти давлат томонидан қўллаб-қувватланади. Халқ таълим бўлимлари томонидан назорат қилинади.
Уларнинг асосий вазифалари мактаб ва Ўрта махсус таълим муассасалари билан ҳамкорликда болаларни бўш вақтини мазмунли ташкил этиш ва тўгараклар ташкил қилиш.
Ҳозир Ўзбекистонда фаолият кўрсатаётган мактаб ва Ўрта махсус таълим муассасаларидан ташқари муассасалар қуйидагилардир:
1. Ўқувчилар саройлари ва уйлари ;
2. Ёш техниклар станциялари;
3. Ёш ташаббускорлар станциялари;
4. Ёш туристлар станциялари;
5. Ёш спортчилар муассасалари;
6. Болалар клублари ва марказлари;
7. Санъат мактаблари;
8. Кутубхоналар;
9. Соғломлаштириш ва ҳоказолар.
Болалар ва ўсмирларни якка тартибда эҳтиёжларини қондириш, уларнинг бўш вақти ва дам олишини ташкил этиш учун давлат органлари, жамоат бирлашмалари, шунингдек бошқа юридик ва жисмоний шахслар маданий-эстетик, илмий, техникавий, спорт ва бошқа йўналишларда мактабдан ташқари таълим муассасаларини ташки этишлари мумкин.
ТАКРОРЛАШ УЧУН САВОЛЛАР:
1. Ўзбекистон халқ таълим тизими ҳақида маълумот беринг.
2. Ўзбекистонда таълим тизимини ташкилаштириш ва ривожлантиришга асосан давлат талаби.