I кириш мавзу: Таълим тизимини бошқариш асослари фанининг мазмун – моҳияти ва аҳамияти

4. Мавзу: Ўзбекистон Республикаси халк таълими системаси
РЕЖА
1. Ўзбекистонда узлуксиз таълим тизими.
2. Мактаб, умумий урта махсус таълим тизимини давлат таълим стандарти.
3. Мактаб ва Ўрта махсус таълимининг давлат таълим стандартлари мониторинги.

ТАЯНЧ СЎЗЛАР

Узлуксиз, система, тизим, давлат таълим стандарти, ислоҳот, синов, натижа, босқичма-босқич, мониторинг, таълим марказ, қонунлар.

АДАБИЁТЛАР:

1. Ўзбекистон Олий Кенгашининг «Таълим ҳақидаги қонуни». 23 июл 1992., 16 август 1999 йил, 26 август 1999 й.
2. Халқ таълими журнали. №2. 1992.
3. Халқ таълим. №1. 2000. 78-бет.
4. М.Мирқосимов. «Педагогик тизимни бошқаришнинг назарий ва амалий асослари». 1995 й.
5. Ж.Ғ.Йўлдошев. «Ўқувчиларнинг маънавиятини шакллантириш». Т., «Ўқитувчи», 2000 й.
6. Н.Алметов. Педагогика (саволлар ва жавоблар). Алмата 2002 й.
1. Ўзбекистонда узлуксиз таълим тизими.
Ўзбекистон халқ таълим тизими республикамизнинг ижтимоий-иқтисодий ва маданий ривожлантиришнинг устувор соҳаси ҳисобланади.
Халқ таълим тизими Ўзбекистон Республикасининг Конституцияси ва Ўзбекистон Республикасининг давлат мустақиллиги асослари тўғрисидаги қонунга мувофиқ ташкил этилади ва назорат қилинади.
Фан-техника тараққий этаётган ҳозирги даврда давлат халқ таълими тизимининг барча тармоқларини муттасил такомиллаштириш, уни оқилона уюштириш ва бошқариш масалаларига катта аҳамият берилмоқда.
Азалдан, Ўзбекистонда болалар таълим-тарбиясига катта аҳамият бериб, уларни илмга қизиқтириш аҳлоқан пок, виждонли, меҳр-шафқатли қилиб вояга етказишга ота-боболаримиз жиддий қарашган.
Масалан, «Қобуснома», «Ахлоқий Муксиний», «Калила ва Димна» каби асарларида одоб-ахлоқ қоидаларига ривоятлар келтирилган.
Маърифатпарвар олим Абу Наср Форобий «Фанлар таснифи» деган асарида арифметика, геометрия, астрономия ва мусиқани тарбиявий фан деб атаган. Чунки улар туфайли ёшлар системаси тарбияланади.
«Таълим фақат сўз ва ўргатиш билан шакллана боради, тарбия эса амалий иш, тажриба давомида ҳаётдан, табиатдан ва жамиятдан шакллана боради. Бу тарбия назарияси узлуксиз тарзда вояга етказишга асосланган ва мактаб ислоҳотидаги ўзгаришларни ўз ичига қамраб олади.